Balik-Pilipinas na kahapon ang magkasintahang Marian Rivera at Dingdong Dantes matapos mag-celebrate ng kanilang birthdays sa Hong Kong.

At sa exclusive taped interview sa dalawa ng StarTalk TX pagdating nila sa airport, na ipinalabas din kahapon, August 4, siyempre pa’y kinumusta ang naging bakasyon nila.

“Usual naman, kasi ano naman, madalas naman na nakakasama ako ng family niya and si Dong din naman sa bahay. So, basta masaya kami, nag-enjoy kami doon,” pahayag ni Marian.

Ano naman ang iniregalo niya kay Dingdong na nag-celebrate ng birthday nung August 2?

“Gift? Wala, love lang. Love lang,” sabay-tawa ng aktres.

“Gusto ko lang sa birthday niya, at tapos na, na maging happy siya. At sana nabibigay ko palagi sa kanya yun, di ba?”

Si Dingdong naman, ano ang plano for Marian’s birthday sa August 12?

“Ano, e. Sa Sunday pa ang birthday niya, e. Tsaka hindi ko pa napag-iisipan.

“Pero para sa akin, okey na rin siguro na nakapagbiyahe kami, at saka thank you at binigyan niya ako ng oras na sumama sa amin. So, iyon,” sabi ng kaka-32 years old lang na aktor.

Habang nasa Hong Kong ba ay napag-usapan na ang tungkol sa kanilang kasal?

“A, wala, wala naman kaming napag-uusapang ganun,” sagot agad ni Dong.

“Basta enjoy lang po talaga. Siyempre, minsan lang din mangyari na nakakasama ko yung family ko na kumpleto.

“Kasi madalas e may kanya-kanya rin silang ginagawa. Pero they took time out para samahan ako sa birthday ko.”

Nagbigay naman ng mensahe si Dingdong para sa nalalapit na 28th birthday ng kasintahan.

“You deserve all the rest that you need para pagsabak mo sa mga susunod na araw, sa mga susunod na buwan, e energized na energized ka.