Kung may ikinaka-excite man ngayon si Dingdong Dantes, ito ay ang nalalapit nang pagpapalabas sa mga sinehan ng Tiktik: The Aswang Chronicles.

Bukod sa pagiging bida ng pelikula, isa rin si Dingdong sa producers nito—sa pamamagitan ng kanyang Agostodos Pictures—kasama ang Reality Entertainment, Post Manila, at GMA Films.

Nang makausap ng PEP.ph (Philippine Entertainment Portal) at iba pang entertainment press si Dingdong sa grand launch ng 20 finalists ng Protégé: The Battle for the Big Artista Search, noong Linggo, August 5, sinabi niyang nagsisimula na sila ng promotion para sa Tiktik.

Ipalalabas na kasi ito sa October 17.

“The promotion started na, months ago, noong ni-launch namin ang komiks. So, by this month, nasa National Bookstore na siya. 

“Yung movie, fully-CGI [Computer Generated Image] from start to finish,” pagmamalaki ng Kapuso actor.

Higit sa pressure, mas lamang daw ang excitement ni Dingdong na malapit nang mapanood ng mga tao ang Tiktik.

Saad niya, “Mas matindi ang excitement because bukod sa nandoon ako para gumanap bilang artista, kumbaga, on top also of being a producer, parang very excited ako sa fact na I will be part of something na breakthrough, na groundbreaking, a first in Philippine Cinema.”

Ang director ng Tiktik ay si Erik Matti.

DINGDONG AS FILM PRODUCER. Nakapag-produce din ng pelikula si Dingdong noong isang taon, ang Segunda Mano, kunsaan ang Star Cinema naman ang co-producer nila ni Kris Aquino. 

Pero ang Tiktik ang pinakamalaking production, so far, ng Agostodos Pictures. Dalawang taon halos ginawa ang pelikula dahil sa post-production at special effects nito.

Sabi ni Dingdong, “Sa lahat naman, kahit sa Segunda Mano, all out naman ako do’n. Dito, ganoon din.

“Pero magkakaiba sila ng konsepto, so iba-iba rin.”

Ayaw namang i-reveal ni Dingdong kung ilang milyon ang inabot ng pelikula.

“Basta para sa akin, hindi mo matutumbasan ng kahit na anong halaga yung dedikasyon ng gumawa. Alam kasi nila na hindi ito normal film na magagawa mo every three months, e,” sabi niya.

Dapat daw talaga ay pang-Metro Manila Film Festival ang Tiktik noong isang taon.

Saad ni Dingdong, “Originally, dapat pang-filmfest pa ‘to last year, pero I talked to them and I chose to do Segunda Mano first.