"Pero seryoso, tinuro sa akin ng mga magulang ko na maging humble kahit ano'ng mangyari, ‘tapos may respeto sa lahat ng tao. Iyon lang.

"And most of all, maging God-fearing."

"Ako, 'di ko masabi," sagot naman ni Elmo, kaya muli siyang tinanong ng PEP editors: "Tahimik ka ba na tao?"

Elmo: "Depende, e! Kapag wala ako mapag-usapan. Usually naman ano ako, e, very outgoing.

"Marami akong gustong matutunan na bagay. Adventurous and competitive na tao. And paranoid at saka madaling ma-stress."

Paranoid?

Elmo: "Konting bagay lang, mabilis akong mag-isip ng negative. Medyo negative ako mag-isip minsan."

May ginagawa ba siyang paraan upang mabago ito?

Elmo: "Minsan hindi, e. Hinahayaan ko na lang na ibang tao magsabi sa akin."

Tulad ng iba, nakararanas din ba sila ng mood swings habang nasa gitna ng trabaho?

Julie Anne: "Ano naman po, siyempre sa lahat naman po talaga ng artista and sa lahat ng nagtatrabaho, hindi naman natin maiiwasan magkaroon ng bad moods. Kasi siyempre sa puyat, pagod, tapos stress."

Ano ang ginagawa nila kapag wala sila sa mood?

Julie Anne: "Pag wala po ako sa mood, hindi po halata, e.

"Kasi dito sa showbiz, parang ito nga ang pinili ko kasi ito [ang gusto kong gawin], kaya ine-enjoy ko talaga siya at bihira akong ma-bad mood."

Elmo: "Sinasabi nila moody daw ako, pero 'di ko naman alam kung bakit."