Dati, matagal nang planado ni Dingdong Dantes ang ireregalo sa kaarawan ng girlfriend niyang si Marian Rivera.

Nakausap ng PEP.ph (Philippine Entertainment Portal) si Dingdong sa live gala night ng Protégé: The Battle for the Big Artista Break noong Linggo, August 5, sa Studio 7 ng GMA.

Live gala presenter si Dingdong Dantes ng Protégé.

Doon tinanong ng PEP sa actor kung wala pa siyang naiisip na regalo sa kasintahang aktres sa kaarawan nito sa Linggo, August 12.

“Wala pa, iniisip ko pa, e,” sinabi ni Dingdong.

Biro tuloy kay Dingdong—baka nagsasawa na siyang magregalo kay Marian?

“Siguro, hindi! Mahirap din kasing mag-isip kung ano ang ibibigay sa kanya.

“Usually naman, definitely kapag three days before, may maiisip na ako.”

Sa isang interview naman kay Marian, nasabi nitong kapag nagmahal siya, hindi lang kamay at braso ang ibinibigay niya sa taong mahal niya kundi buong katawan.

At ang reaksyon dito ni Dingdong…

“Oo, e! Ganoon siya talagang klase ng tao. Pag 'binibigay niya ang sarili niya, talagang buong-buo!

“Ina-appreciate ko naman yun kaya kung ano ang ibinigay niya sa akin, aalagaan ko naman.”

Ganoon din ba si Dingdong?

“Kanya-kanya namang bersyon, e. Hindi ko masasabi in those words. I express myself differently.”

Hindi alam at ikinagulat ng aktor ang balitang papasok sa pulitika si Aga Muhlach.