“Yun ang crucial kapag fantasy, e. Kasi siyempre, minsan kapag nagte-taping, hindi naman nakakatakot ang kaharap mo, pero dapat sa TV lalabas siya na nakakatakot talaga.”

FROM KONTRABIDA TO BIDA. Ano ang naging reaksiyon ni LJ nang malamang bida na siya at pang-primetime pa ang gagawing project?   

“Ano… nakaka-pressure, siyempre. Kahit papaano, negosyo pa rin 'to. Iisipin mo pa rin ang mga ratings.

“Pero yun nga, sabi nga nila sa akin, hindi naman daw nila ipagkakatiwala sa akin kung hindi nila alam na kaya ko.

“So yun, nakakabawas yun ng pressure sa akin. Pero kailangan sigurong gamitin ko na lang ang pressure para galingan ko na lang.

“Sabi ko nga, magpapakabait at magpapakabait ako lalo at, ano, magtatrabahong mabuti at gagalingan lalo," saad niya.

MOTHER ROLE. Dito sa Aso Ni San Roque ay nanay siya ng child actress na si Mona Louise Rey, pero wala raw problema ito sa kanya.

Aniya, “Maganda kasi ang role. Nabasa ko na ang pilot week. Kapag nakita ninyo ang week one, ang ganda.”

Naniniwala si LJ na nakatulong ang ginawa niya sa Intoy Syokoy para mas mabigyan siya ng pansin ng kanyang home network.

Sabi niya, “Malaki talagang tulong kapag nakikita nila.

“Kung hindi ka naman nabibigyan ng project para ipakita mo yung talagang talent mo o skill mo, walang makakaalam.

“Walang makakapagpatunay kung ano yung kaya mong gawin.

“So, thankful din talaga ako sa Intoy Syokoy, na napakita ko, at marami naman ang nakaramdam.”

CINEMALAYA. Sa nakaraang awards night ng Cinemalaya ay hindi pinalad manalo si LJ ng Balanghai trophy para sa pagganap niya sa Intoy Syokoy.

Ito ay sa kabila ng magagandang reviews na nakuha niya at sa kabila ng maraming hula na siya ang mananalo ng Best Actress sa New Breed category.

Ang nagwagi sa kategoryang ito ay si Ama Quiambao, para sa pelikulang Diablo ni Mes de Guzman.

Nag-expect ba siyang manalo?

Sabi ni LJ, “Honestly, hindi. Kasi nga, sinet ko na ang mind ko na, ‘Ay, ayoko talaga!’