Si Heart Evangelista ang pansamantalang napapanood na nagbabalita ng mga kaganapan sa showbiz sa “Chika Minute,” isang segment ng primetime newscast ng GMA-7 na 24 Oras. 

Si Pia Guanio, ang dating regular na anchor ng segment, ay kasalukuyang nakabasyon bilang paghahanda sa pananganak sa unang sanggol nila ng mister na si Steve Mago.

Mukha namang enjoy si Heart sa gabi-gabing pagsalang niya sa "Chika Minute." Nakaka-isang linggo na siya bilang anchor ng segment na ito.

“Ang saya-saya!” sambit ni Heart nang makakuwentuhan ng PEP.ph (Philippine Entertainment Portal) sa backstage ng Party Pilipinas last Sunday, August 12. 

“Nae-enjoy ko siya and I’ll be there again for one week pa. So bale two weeks na ako na magtsi-"Chika Minute."

“Iba kapag nagnu-news ka na live. And hindi siya ‘yong parang nagbi-VJ [video jock] ka lang.

“But I like it. I like it a lot. I think I’d like to do news.”

Kumpara sa pagbi-VJ niya noon sa MXY music channel, iba nga ang pagdi-deliver ng entertainment news dahil mga balita at issues tungkol sa kapwa artista niya ang ibinabalita ni Heart.

“Ang weird!” sabay tawa ni Heart. 

“Sana lang hindi dumating sa point na ibinabalita ko yung sarili ko.

“But, uhm… maayos naman ang "Chika Minute." And it’s okay, I like it talaga.”

Sa unang pagsalang niya raw sa nasabing entertainment news segment ng 24 Oras, aminado si Heart na natensiyon at kinabahan siya nang husto.

“Yes! Pero nung isang araw na medyo tumodo ako, na tuluy-tuloy na after ng commercial break, umupo talaga ako sa lapag dahil sobrang nerbiyos ako.

“Mukha lang akong cool na cool, pero bulol kasi ako, e!” tawa ulit niya. 

“Sobrang bulol na bulol ako. So yung Tagalog ko talaga, e...