Kilalang-kilala na ang larong football dito sa Pilipinas matapos umarangkada ang kasikatan ng Philippine National Football Team—na mas kilala sa tawag na Azkals.

Nagbigay ng karangalan sa ating bansa ang nabuong team matapos manalo ng ilang beses sa international competitions.

Dito nakilala ang magkapatid na Phil at James Younghusband—ang dalawa sa pinakasikat na miyembro ng Azkals.

Patuloy ang pagsikat nila, hindi lang bilang football players kundi bilang endorsers din ng ilang produkto.

Kaugnay nito, nag-organisa ang Clear shampoo ng Football Dream Match, tampok sina James at Phil, na gaganapin sa University of Makati sa August 25.

Noong Linggo, August 11, nagkaroon ang PEP.ph (Philippine Entertainment Portal) ng pagkakataon na makapanayam si Phil matapos ang proseso ng drafting para sa Football Dream Match.

Ang draft ay isinagawa upang piliin ang players na magiging teammates nina Phil at James para sa laro.

OFFICIALLY ON. Sa naunang panayam ng PEP kay Phil ay inamin nito na "officially together" na sila ng aktres na si Angel Locsin.

Ibig sabihin ay girlfriend na ni Phil ang Kapamilya actress.

Noong May 27 ng taong kasalukuyan daw nila ginawang opisyal ang kanilang relasyon.

(CLICK HERE to read related story.)

Sa presscon noong Linggo ay kinumusta ng PEP kay Phil ang relasyon nila ni Angel.

“More… more in love! It’s amazing!: bulalas ng Filipino-British football player.

"I have unexplainable feeling, and this feeling never ends. We’re really, really in love with each other.

“I think, if we have a happy lovelife, I think we are happier in our work.