Very open si Pinoy Big Brother Teen Edition 4 grand winner Myrtle Sarrosa na ang showbiz crush niya ay ang teen star na si Paul Salas.

Tiyempong nagkasama naman ang dalawa sa ABS-CBN sitcom na Toda Max kamakailan nang mag-guest sila dito.

Dito nga niyaya ni Paul si Myrtle mag-date, pero nabalitang hindi ito natuloy sa hindi malinaw na dahilan.

Kinumpirma ito ni Myrtle nang makapanayam siya ng PEP.ph (Philippine Entertainment Portal) pagkatapos ng guest appearance niya sa The Buzz noong August 12.

Sabi ng reality-show winner, “Hindi siya natuloy dahil nagka-clash yung sked namin, pero friends naman kami. 

“Palagi naman kaming mag-uusap pag may free time.”

Papayag ba si Myrtle kung yayain siyang lumabas uli ng teen actor?

“It depends,” sagot niya. “Sa ngayon napaka-busy ko kasi, na kahit tulog, wala.  

“Sobrang busy pero nakaka-fulfill, nakaka-enjoy yung ganitong klaseng job."

Nagpapasalamat at natutuwa si Myrtle sa first guest appearance niya sa Toda Max.

Bukod sa ito ang first acting stint niya, personal niyang nakilala si Paul at naging magkaibigan pa sila.

Saad ni Myrtle, “And I’m happy that, so far, na good comments ang naririnig ko, so I’m very thankful.

“Na-starstruck ako pero he [Paul] made me feel comfortable. He’s very kind, very friendly siya sa akin.

“Ngayon ko naiisip minsan, ‘Oh, my gosh! Ka-text ko yung celebrity na ina-idolize ko!’ 

“Now I’ve realized na he’s down to earth, very humble. Parang nagka-friendship kami, instant friendship.