Halos lahat ng nakausap ng PEP.ph (Philippine Entertainment Portal) noong Biyernes, Agosto 17, na kasama sa cast and crew ng panghapong GMA-7 teleserye na Faithfully ay sinasabing masaya silang lahat sa set at nabuo na ang pagkakaibigan nila.

Sabi nga ng lead actor ntio na si Mike Tan, “Ok po kaming lahat. Masaya kami at talagang para kaming isang pamilya.

“Masaya, masayang-masaya talaga.”

Kinumusta ng PEP at ng iba pang press na umi-interview kay Mike ang character niya sa Faithfully.

Ang karakter ni Mike ay si Perry, na ayon sa 25-year-old aktor, ay isang sanggano nga pero mabait. 

“Mabait kung sa mabait…pero may kulo po,” paglalarawan ni Mike. “Pagdating sa pagiging protective, protective talaga siya sa mga mahal niya.

“Kaya niyang pumatay ng tao, ganoon si Perry.

“Kaya ko ngang bigla na lang magpaputok ng baril o bigla na lang bumaril,” sabi pa ni Mike tungkol sa kanyang Faithfully character.

Sa umpisa ng teleserye ay sila ni Isabel Oli ang pinagpareha. Pero may mga humuhula na sa ending ay sila ni Maxene Magalona talaga ang magkakatuluyan.

Sabi naman ni Mike, “Hindi ko rin po alam. Pero tingin ko po…hindi ko rin po kasi sigurado pagdating sa script. 

“Palagi pong depende. Paano po kung pagdating sa huling part ng script, hindi pala?”

CHALLENGING CHARACTER. Sinabi noon ni Mike na na-challenge siya sa unang pagkakataon sa pagiging leading man sa Kung Aagawin Mo Ang Lahat Sa Akin. Dito sa Faithfully, ano ang bagong challenge sa kanya?

Sagot ng StarStruck Season 2 Ultimate Male Survivor, “Nakaka-challenge ang pagiging sanggano niya. Tapos biglang magsi-shift minsan na papatay na ng tao, nagloloko pa.

“Pagdating sa babae, mabait. Ganoon yung shifting ng ugali niya. Nakaka-challenge.” 

Co-leading man ni Mike sa Faithfully ang singer-turned-actor na si Marc Abaya.

Ano ang pagkakaiba ng character niyang si Perry sa character ni Marc na si Kevin?