Nakadagdag pa sa kaba nina Louise at Alden na kasama nila sa One True Love sina Jean Garcia at Agot Isidro.

Nai-intimidate ba silang kaeksena ang dalawa?

“Hindi naman po nai-intimidate, pero kailangan po naming tapatan yung ibibigay nila sa ‘min," sagot ni Louise.

“Kasi every take, nagbabago sila ng atake, e. May iniisip kayong atake na minsan, hindi yun ang ginagawa nila.

“Parang ano, nakakahiya din kung wala silang nahuhugot sa ‘min."

Namamangha nga raw si Louise sa batuhan ng linya nina Jean at Agot kapag magkaeksena ang mga ito.

“Nagiging dilemma ko rin na may sakit ako, na hindi ako puwedeng maging kasing-energetic na tulad nila.

"So, kailangan kong mapantayan, kahit may sakit ako,” sabi ni Louise.

Sa mga nakaraang episodes kasi ng One True Love ay nakaratay sa ospital si Elize dahil sa malubhang sakit nito.

Kaya ganun na lang ang panghihinayang ni Louise na bilang Elize ay hindi niya masabayan ang intense performance nina Jean at Agot.

Si Alden naman, sana raw ay mapantayan niya ang acting ng dalawang aktres.

“Kung hindi man po mahigitan ay pantayan lang po yung performance, kasi kaya din po sila andun para suportahan din po kami, e.

Hangang-hanga si Alden sa isang eksena nila ni Jean kahit na nasaktan siya.

“Madalas po ako ano, e… Kagaya po ng mga nagawa kong scenes before kay Ms. Jean, nasampal po ako.

“Ang galing po…naalis po ako sa frame, e. Tumalsik po ako, e,” biro niya.