Marami ang nakakapansin sa pagiging mas malapit ngayon nina Bea Binene at Jake Vargas.

Kapag nagkakasama nga sila sa Party Pilipinas, gaya noong Linggo, August 19, ay lagi silang magkadikit.

Hindi tuloy maiwasang mag-isip ng mga nakakakita sa kanila na baka may namumuo nang espesyal na relasyon sa dalawang Kapuso tween stars.

Nakangiting nagpaliwanag naman si Bea tungkol dito nang makausap ng PEP.ph (Philippine Entertainment Portal).

Sabi niya, “Kahit naman po hindi kami nagkakasama sa taping o hindi kami magkasama sa isang show, we’re still good friends.”

Friends lang ba talaga—walang ligawan o anumang mas malalim pa sa pagkakaibigan?

“Friends lang!” sabay tawa ni Bea.

MISSING EACH OTHER. Huling nagkatambal sina Bea at Jake sa Alice Bungisngis And Her Wonder Walis.

Bagamat nagkikita sila sa Party Pilipinas, sandali lang silang nagkakasama. At pagkatapos nito ay pareho na silang abala sa kani-kanilang schedules.

Hindi nila nami-miss ang isa’t isa?

Sagot ni Bea, “Siyempre nami-miss. Oo naman.

"Siyempre, hindi naman mawawala ‘yon.

“Matagal din naman kaming naging magkasama ni Jake. Two years kaming nagkasama bilang loveteam.

“Kahit papano, mami-miss namin siyempre yung bonding together sa taping.”

LUNA BLANCA. Sa Luna Blanca ay hindi si Jake ang kapareha ni Bea kundi si Kristoffer Martin. Ka-love triangle nila rito si Barbie Forteza.

“Opo, maraming twists na mangyayari sa story," banggit ni Bea.