Isa sa mga fast-rising young stars ngayon ay ang commercial model na si Neil Coleta.

Ang commercial niya para sa isang brand ng iced tea ang nagpasikat talaga kay Neil.

Matapos nito ay kabi-kabila na ang proyektong ginawa niya sa bakuran ng ABS-CBN—ang Rosalka, 100 Days To Heaven, Growing Up, at ang kasalukuyang palabas na Aryana.

Noong Linggo, August 19, sa Trinoma mall show ng musical film na I Do Bidoo Bidoo, isa si Neil sa mga tinilian ng fans.

Isang masayang Neil naman ang humarap sa PEP.ph (Philippine Entertainment Portal) pagkatapos ng kanyang production number.

Nang tanungin kung ano ang papel niya sa musical film na I Do Bidoo Bidoo, hindi raw niya puwedeng ipaliwanag.

"Role ko, abangan ninyo kong ano yung character ko dito. Kasi di puwedeng malaman, e—surprise talaga,” sabi niya.

PROUD NEWCOMER. Labis-labis naman ang kasiyahan ni Neil na kahit baguhan pa lamang siya ay nakasama na niya ang mga bigating artista at singers sa industriya.

Dito sa I Do Bidoo Bidoo, ng Studio5 at Unitel Pictures, ay kasama niya sina Gary Valenciano, Zsa Zsa Padilla, Ogie Alcasid, at Eugene Domingo.

Sabi ni Neil, “Siyempre nakaka-proud sa sarili ko, kasi hindi naman ako magaling kumanta o sumayaw.

“Ang kaya ko lang gawin ay magpatawa lang.

“Pero kasama ko sina Sir Gary, sila Miss Zsa Zsa, Miss Uge, at si Sir Ogie.

“Siyempre nakaka-proud na makasama ko sila.”

Paghanga pa rin niya sa senior stars: “Sila Sir Gary, napaka-down to earth. Bilib ako sa kanila kasi napakabait nila, sobra.

“Si Miss Zsa Zsa, ganun din.

"Kasama ko sila dati sa ASAP, tapos ngayon sa movie, ang bait nila, sobra!”

PRODUCTION NUMBERS. Bukod sa pag-arte ay kumanta rin ba siya sa pelikula?