Nasaktan at nalungkot daw si Iwa Moto sa demandang breach of contract na isinampa sa kanya ng GMA-7 dalawang buwan na ang nakararaan.

May kinalaman ito sa paglabas ng 23-taong-gulang na aktres sa TV5 bago pa man tuluyang nagtapos ang kontrata niya sa kanyang dating mother studio.

Para kay Iwa, misunderstanding lang ang naging ugat ng gusot na ito, pero inaamin niyang nasaktan talaga siya sa pagkakahabla sa kaniya.

“Oo naman, masakit,” sabi ni Iwa sa eksklusibong panayam ng PEP.ph (Philippine Entertainment Portal) sa kanya noong Miyerkules, Agosto 22, sa isang restaurant sa Quezon City.

Patuloy niya, “Kasi, siyempre, as far as I’m concerned, hindi naman ako umaalis doon na binabastos ko sila.

“At saka, until now naman, wala akong contract with any company, e.

“So parang, wait lang, parang, mali naman siguro...

“Tapos na iyong kontrata ko sa kanila [GMA-7], pero parang hina-hassle pa nila ako.

“Nakakalungkot, pero alam ko naman na, in due time, mapag-uusapan nang maayos.

“Kasi, like what I’ve said, ang parang inirereklamo nila is lumalabas ako with other network, e, wala na akong kontrata sa kanila.

“Baka iniisip siguro nila, I have a contract with TV5, pero it’s not like that, e.

“Nandoon ako, lagi akong nasa TV5, kasi they are giving me project.

“E, kung binibigyan ba naman nila ako ng project, bakit hindi naman ako tatanggap sa GMA?

“Sa ngayon, freelancer ako.

“Puwede ako sa GMA, puwede ako sa ABS CBN, at puwede ako sa TV5—kahit saan ako.