Sa 25th anniversary celebration ng Cebuana Lhuillier sa Smart- Araneta Coliseum last Tuesday, August 28, marami ang kinilig sa duet nina Gerald Anderson at Sarah Geronimo.

Hiyawan ang mga tao nang kantahin nila ang "Won’t Last a Day Without You,” ang theme song ng kanilang huling pelikula.

Birong tanong pa ni Sarah kay Gerald ay kung "single" pa ba ito.

Pero ngumiti lang ang young actor sa tanong ng Pop Princess.

TOGETHER AGAIN? Dahil sa eksenang iyon na nasaksihan ng mga fans, marami tuloy ang umaasa na manumbalik ang pagtitinginan ng dalawa.

Ito ay matapos tumigil sa panliligaw si Gerald kay Sarah dahil na rin sa pagtutol ng mga magulang ng Pop Princess, partikular na ang ina nitong si Divine Geronimo.

Lalong uminit ang usap-usapan na "nagkabalikan" na sina Gerald at Sarah nang lumabas ang isang blind item na malinaw na tumutukoy sa kanila.

Ayon sa blind-item report, nagdesisyon daw ang dalawa na itago na lang ang kanilang relasyon dahil hindi nga boto ang pamilya ng Pop Princess sa young actor.

Nang makausap ng PEP.ph (Philippine Entertainment Portal) si Gerald, kinuha namin ang kanyang reaksiyon sa balitang pagbabalikan daw nila ni Sarah.

Aniya, “Alam ninyo, maraming lumabas, di ba?

"Kung anuman ang narinig ninyo, nabasa ninyo, napanood ninyo sa TV—nasa inyo kung anong iisipin ninyo, kung anong totoo dun at hindi totoo.

“Sa ngayon, lagyan na lang natin ng respeto, ng privacy yung pamilya niya, si Sarah, at sana ako din.

“Kasi ang pinag-uusapan natin is something very personal at sa amin na lang yun.

“Basta at the end of the day, friends kami. It’s something that, yes, we’ve decided on.