"Tapos ayun, marami na 'kong aso,” muli niyang hagikgik.

Rommel: Ilan ang aso mo?

Kathryn: “Ngayon? Sa Cabanatuan madami, pero dito sa Manila…” naputol niyang sagot.

Anna: Bigyan mo si Daniel ng isa.

Daniel: “Marami na rin po akong aso. Okay na ako.”

Kathryn: “Oo dami rin siya, e.”

Rommel: Puro Shih Tzu?

Kathryn: “Hindi po. Mero’n na po 'ko ngayong dalawang Toy Poodle.”

Rommel: Yung nabanggit mo, may aso ka din. Ano yung aso mo?

Daniel: “Beagle po. Isang Shih Tzu, tsaka Toy Poodle din po.”

Rommel: May nabasa kaming parang tanong ng fan, e. Ano ba yung binili niyo para sa isa’t isa. Nabigay mo yata sa kanya [Kathryn] G-shock daw na relo?

Daniel: “Ano ba ‘tong mga balita, sa'n ba nanggaling 'tong mga to?” kunot noo niyang balik-tanong.

Rommel: Hindi, sa mga fans, e. Alam mo naman sa mga forums, e, talagang sinusundan kayo.

Daniel: “G-shock na relo? Ako nagbigay? Hindi po 'ko nagbigay dahil panlalaki po yun, hindi ko po naibigay,” nailing na nangingiti niyang eksplanasyon.

Demai: So ano nga 'niregalo mo kay Kathryn?

Rommel: Ano bang niregalo mo kay Kathryn? (Halos sabay na tanong nila.)

Daniel: “Kathryn? Yung aso po. Yung dalawang aso na Poodle po.”

Rommel: A, yung toy Poodle.

Daniel: “Opo.”

Anna: Ano'ng pangalan?

Kathryn: “Nacho at saka Cola... Color Nachos, e,” pagtukoy niya sa isa niyang aso na hawig ang kulay sa nachos. Tapos, pagkain...

“Tapos yung Cola, para siyang Coca-Cola. Sofdrink, kasi black siya.

“So yun po, naisip ko lang. Tapos super habang ano ‘yan...ilang days na nag-iisip ako kung ano’ng ipapangalan.”

Daniel: “Ang dami po, ang gulo ng mga araw na yun,” sa dami raw ng pinagpiliang pangalan.

Kathryn: “Sobra. Na-hassle na 'ko, tapos yun na po yung final nilang naging pangalan."

Rommel: E, ikaw Kath, may binigay ka ba kay ano… kay DJ na ano? (Tanong niya gamit ang palayaw nina Kathryn at Daniel.)

Napaisip muna si Kathryn bago ito sumagot ng, “Prayers!” 

Nagtawanan ang mga tao sa set.

Daniel: “Mukhang gumana naman sa ‘kin,” pagtukoy niya, na ang ibig sabihin ay bumabait siya dahil sa mga dasal para sa kanya ng ka-loveteam.

BACK TO SCHOOL.

Rommel: Sa kasikatan niyo ngayon, may panahon pa ba kayo para makaisip na mag-aral?

Daniel: “Si Kathryn po, nag-aaral po siya ngayon. Ako, hindi.”

Rommel: Pero, may balak ka ba?

Daniel: “Napansin niyo yun? 'Pag sinasabi kong ‘di ako nag-aaral, maraming tumatawa?”

“Hindi, ano lang po ngayon, kumbaga…” putol niyang sagot.

Rommel: Bakit nga kaya? Ba’t gano’n?

Daniel: "Nabanggit ko nga po kanina, hindi po ako magaling sa pag-aaral,” pabiro pero seryoso niyang sagot.

“Hindi. Mag-aaral na po ko ngayon,” bawi naman niya agad.

Rommel: Ano’ng kukunin mo?

Daniel: “Hindi, first year pa lang po ako,” na ang ibig sabihin niya ay sa high school.

Anna: Pero later, ano'ng iba mong pangarap? Bukod sa maging artista?

Daniel: “Magbanda po.”

Anna: Showbiz pa rin?

Daniel: “Banda, tsaka mag-ano po, maging businessman.”

Kathryn: “Wow!” sabay tawa na parang hindi naniniwala sa tinuran ni Daniel.

Daniel: “Hindi, joke lang, maging ano po, engineer.” (Sa ibang banda ng usap-usapan, naidetalye ni Daniel kay Rommel na gusto niya ng architectural engineering.)

Kathryn: “Ako, siguro yung kukunin kong course, Mass Com or more on Advertising siguro sa college. Pero, hindi pa. Wala pang final.”

Rommel: Sa tindi ng kasikatan ng loveteam niyo ngayon, ang tinatanong lagi ng mga fans, ano na ba’ng status talaga ng relationship niyo?

Daniel: “Hmm,” biting napaisip ang young actor.

Rommel:  Abangan niyo PEPsters yung magiging sagot ni Daniel sa pagbabalik ng PEP Talk!