Sa ikatlong episode ng PEP Talk, sina Kathryn Bernardo at Daniel Padilla, isa sa hottest loveteams sa showbiz ngayon, ang sumalang sa tanungan, kulitan, at seryosong usapan.

Mahigit isang buwan ding nag-antay ang PEP.ph (Phillipine Entertainment Portal) na maayos ng Star Magic ang iskedyul nina KathNiel, na siyang bansag ng fans sa dalawa.

At noong August 17, malapit na sa 9 n.g., natuloy din ang interbyu na isinagawa ng mga hosts na sina Rommel Llanes, isa sa associate editors ng PEP, at Demai Sunio-Granali, senior staffwriter ng PEP,  kasama ang special guest co-host na si Anna Pingol, managing editor ng YES! magazine.

Naging magiliw ang pagbati ni Daniel sa mga fans kahit na hinarap nito ang camera nang hindi pa naghahapunan.

Simula ng binata, “Hello po sa inyong lahat!"

Isang sweet greeting naman ang nagmula kay Kathryn, “Hello and good evening. And hello, PEPsters! And thank you sa mga nag-request sa ‘min."

SHOWBIZ ENTRY. Unang nagtanong si Anna: “Curious lang ako kung kailan niyo naramdaman na gusto niyo palang maging artista? Like yung sa case mo kasi, artista yung mga kamag-anak mo,” ang pagtukoy niya kay Daniel.

Si Daniel ay anak ni Rommel Padilla at Karla Estrada, na parehong artista; pamangkin ni Robin Padilla; pinsan nina Kylie, Queenie, Bela...

“Pero sa case mo naman, hindi, e,” baling naman ni Anna kay Kathryn. “So pa’no niyo naramdaman yun? Mga ilang taon kayo no’n?”

Kathryn: “Siguro po, uhm, no’ng mga seven ako. Matagal... kasi gusto ko naman talagang gustong mag-artista.

"Tapos parang after ko gawin yung… ano ba to... It Might Be You, siguro, do’n ko na-ano na gusto ko ituloy.

"Since sinuportahan naman ako ng family ko, so tinuluy-tuloy ko na po.”

Daniel:  “Ako naman, ano po, talagang no’ng una ayaw ko pong mag-artista, e.”

Anna: Pinilit ka lang ni Karla Ford?

Ang natatawang tinutukoy ni Anna ay ang ina ni Daniel, si Karla Estrada na Karla Ford ang pangalan sa totoong buhay.

Daniel: “Hindi naman. Parang wala naman po talaga sa plano ko’ng mag-artista. Tapos mukhang, e, hindi naman po ako magaling sa eskuwelahan.

“Tapos pinapasok na po ko ni Mama sa showbiz, na pinapa-try niya po sa kin. Ayun na po.

“No’ng una medyo ayaw ko pa, e. Pagkadating ko pa lang ng set gusto ko nang umuwi, e.

“Gano’n yung feeling ko palagi dati. Pero no’ng ngayon po… no’ng nagiging matured na po, yun na po, parang okay naman pala’ng mag-artsita.”

Anna: Sa tingin ko lang, ha, parang ang bilis niyong sumikat na dalawa. Parang ang babata niyo pa, tapos ang sikat niyo na. Pa'no niyo hina-handle yun? At such a young age, tapos mero’n kayong ganyan ka-successful na career?