Naging bukas sa publiko ang mga pinagdaanan ni Andi Eigenmann sa pagiging dalagang ina niya—mula sa masalimuot na paghihiwalay nila ng itinuturong ama ng kanyang anak na si Albie Casiño hanggang sa maisilang niya ang anak niyang si Ellie.

Sa taped interview ng The Buzz kay Andi, na napanood kahapon, September 2, ay muling tinanong ang young actress tungkol kay Albie.

Napatawad na ba niya ang dating kasintahan?

Sagot ng young actress, “Dati po, palagi kong sinasabi na wala naman akong napapatawad kasi wala namang nagso-sorry.

“Pero ngayon, para sa akin, sige, let’s say sorry siya, napatawad ko, ganyan.

“At saka, ako rin naman, sorry rin naman ako.”

Diin pa ni Andi, “Hindi naman siya masamang tao, ang bait-bait nun.

“Let’s say he just made wrong decision in his life, hindi ko po puwedeng sabihin na siya lang yun. 

“Just because ginawa niya yun, siya na ang masama? Nasaktan ko rin po siya.”

Wala bang pag-asa na payagan niyang makita o mayakap ni Albie ang kanilang anak kung sakaling matanggap na ng young actor ang pagiging ama nito?

“Hindi naman niya po anak si Ellie," sagot ni Andi.

“I mean, you know, biologically, yeah, they look so much alike. 

“Kung ayaw niya, e, di hindi.

"Hindi ko naman po ipipilit yun. Parang wala nang ano yun. 

“Sayang din sa time ko, at the same time, what will that make me?