Muling naluha ang actress-pole dancer na si Ciara Sotto habang dinedepensahan ang amang si Senator Tito Sotto tungkol sa isyung ipinupukol dito ngayon.

Isa kasi ang bunsong anak ni Senator Sotto sa mga panauhin ni Kris Aquino sa kanyang talk show na Kris TV kaninang umaga, Setyembre 4.

Dahil ang pangunahing paksa ay tungkol sa pagiging anak ng kilalang personalidad, hindi naiwasan na tanungin si Ciara kung paano siya naaapektuhan sa tuwing may isyu tungkol sa kanyang ama.

Partikular na rito ang kontrobersiya tungkol sa pangongopya diumano ng senador para sa kanyang mga talumpati tungkol sa kanyang pagtutol sa ipinapanukalang RH Bill sa Senado.

(CLICK HERE to read related article.)

Sabi ni Ciara, “If you see my dad kasi, makikita mo sa kanya na ano, e, he has this really, really big heart. He’s so forgiving.

“For me, I was really affected.

"Actually all of us, Ate Lala and my Kuya [Gian]. Kami yung sobrang affected.

“Pero si Mommy [Helen Gamboa] and Daddy, they were so calm. And my dad was always saying, ‘It’s okay. Let them ruin me.’

“He always says that, so I’m really, really proud of my dad.

“But really, he’s a good man. Yung track record naman niya, alam ni Senator Chiz ‘yan, he’s a really good man.”

Si Senator Chiz Escudero ay co-host ni Kris sa programa.

Pagkatapos nito, isang pakiusap din ang ipinarating ni Ciara sa mga manonood:

“For me lang, the Filipinos, sana ma-realize nila na you don’t have to disrespect the person you don’t agree with.”

Dahil sa isyung ito, ani Ciara, mas nakilala ng pamilya nila kung sino ang mga totoong kaibigan nila.