Encouraging para sa mga tagasubaybay ng pelikulang Pilipino ang mga unang pag-uulat tungkol sa mga kaganapan sa Venice, Italy, kaugnay ng pelikulang Sinapupunan (Thy Womb).

Kasalukuyang itinatanghal ang Filipino film na ito bilang Main Competition entry sa 69th Venice International Film Festival (VIFF).

Kahapon, September 6, at 4:30 p.m. (10:30 p.m. Manila time), ginanap ang official screening at gala night ng Thy Womb.

Pinagbibidahan ito ng Superstar na si Nora Aunor at idinirek ng Cannes 2009 best director-awardee na si Brillante "Dante" Mendoza.

Nasa Venice, Italy sina Direk Brillante at Nora bilang bahagi ng Philippine delegation sa nasabing international filmfest; kasama nila ang dalawa pang aktres ng Thy Womb na sina Mercedes Cabral at Lovi Poe.

Kahapon, September 6, ay nakausap sa telepono ng PEP.ph (Philippine Entertainment Portal) si Direk Brillante.

Ayon sa premyadong direktor, naging maganda at masaya ang pagtanggap sa kanila ng maraming Pilipino na nasa Venice.

"As usual, pinagkaguluhan nila si Ate Guy!" natutuwang sabi ni Direk Brillante.

Ika-sampu ng umaga pa lang sa Venice (4 p.m., Manila time).

Nasa hotel room sina Direk Dante, Boy Palma (Nora's personal manager), at si Ate Guy na "nagpapa-make up pa” dahil maya-maya raw ay gaganapin na ang ang gala screening. Naghahanda na rin daw sila noon para sa press conference.

Sa Hotel Excelsior naka-billet sina Nora at Direk Brillante.

"This is one of the oldest establishments in the world," banggit pa ng direktor tungkol sa hotel na tinutuluyan.

Mula sa hotel, napaulat din na ang delegasyon were driven in Lancia limousines to the presscon venue, in a separate function room, kung saan din gaganapin ang official screening ng Thy Womb sa Sala Grande (Cinema Hall).

STANDING OVATION. By midnight of September 6, agad ding nakarating sa PEP ang magandang balita ng pagkakaroon ng standing ovation ng mga nanood matapos ang gala screening ng Thy Womb.

Abut-abot daw ang pagbati ng mga tagasubaybay nina Nora, Direk Brillante, at iba pang kabilang sa Thy Womb, sa panimulang tagumpay na natamo ng pelikula.

Bungad na pagbati ng Noranians Worldwide (NOW), isang malaganap na fanpage sa Facebook: