Tatlong proyekto ang pinagkakaabalahan ng singer-actor na si Sam Milby.

Nagsimula na ang shooting ng pelikulang magtatampok sa halos lahat ng contract stars ng Star Magic, ang talent management division ng ABS-CBN kung saan kabilang si Sam.

Katatapos lang din niyang gawin ang indie movie na Death March.

At gumigiling na rin ang kamera para sa teleseryeng Against All Odds ng ABS-CBN. Makakasama ni Sam dito sina Judy Ann Santos at KC Concepcion.

Excited na ikinuwento ni Sam ang partisipasyon niya sa tatlong nabanggit na acting projects nang makausap siya ng PEP.ph (Philippine Entertainment Portal) sa 4th Star Awards for Music noong Linggo, September 9.

“Sa Star Magic [movie], ang partner ko, yung babaeng nakalaan para sa akin—si Pokwang!” nangingiting biro ni Sam.

“Yung amin yung pinaka-comedy.

"Hindi ko alam kung bagay akong comedy. Hindi ko alam kung bakit ako nag-comedy dito.

"Kasi I feel na hindi ako bagay sa comedian-comedian, hindi ako ganun.

But it’s fun… walang pressure kasi comedy nga, e.

“Tapos si Pokwang, she carries the scene so well din.

“So, yung shinoot [shoot] namin the last time, nakakatawa talaga.”

WAR MOVIE. Isang American soldier naman ang role na ginagampanan ni Sam sa pelikulang Death March.

“First time na gagawin ko na isa akong Amerikano.

“Sundalo ako and I’m an American soldier.

"It’s about the Bataan Death March in World War II.