Bumisita ang PEP.ph (Philippine Entertainment Portal) sa set ng upcoming film na A Secret Affair, kahapon, Setyembre 13, sa Opus, Resorts World Manila, Pasay City.

Ang pelikulang ito ng Viva Films, na idinidirehe ni Nuel Naval, ay may dating working title na Nothing Compares To You.

Saktong nadatnan naming kinukunan ang isang eksena sa club kunsaan magkakasama ang mga bida ng pelikula na sina Anne Curtis, Andi Eigenmann, at Derek Ramsay.             

Pagkatapos ng eksena ay nakausap ng PEP at ilan pang miyembro ng media si Derek. Kinumusta namin sa kanya ang kanilang shooting.

Sagot niya, “A... good. Ito, medyo puyat, three days straight na.

"Marami na kaming mga nagawang eksena and it’s looking good, you know?”

Noong isang taon ay napanood si Derek bilang adulterer sa blockbuster hit na No Other Woman, kunsaan nakasama niya sina Anne at Cristine Reyes.

May pagkakahawig ang role niya doon sa ginagampanan niyang karakter dito sa A Secret Affair.

Paglalarawan niya, “Sa umpisa, playboy ako dito.

"But like any other playboy, they can fall in love. And I do.

"And I get hit hard by Anne’s character.

“I fall in love with her and, you know, wants to get married with her.

“Si Andi naman, I get involved with Andi before I meet Anne.

"And [in the movie,] Andi and Anne are good friends. So, there’s a lot of drama.”

WORKING WITH ANNE AND ANDI. Kung sa No Other Woman ay ginampanan ni Anne ang role ng isang mistress, dito sa A Secret Affair ay siya naman ang totoong girlfriend at si Andi ang other woman.

Ayon kay Derek, mas kumportable na siya ngayon sa kanyang pakikipagtrabaho kay Anne.