Dapat daw, may mapagpipilian kung anong uri ng contraceptive ang gagamitin at dapat ay laging available ito.

“Kung nakakagawa ka ng abstinence, fine, that’s good for you.

“But if you can’t, at least you have it, di ba?” tukoy ni Aiza tungkol sa contraceptives.

“Kasi para sa akin…nag-tweet ako. I was in losing hope kasi may nakita na naman akong balita na another dead baby found in a trash can.

“I’d rather see used condoms and used contraceptives in a trash can than dead babies.

“Is this what you want?

“Kumbaga, hindi lahat ng tao handa, e. Unfortunately, hindi lahat ng tao, responsable. 

“Ngayon ang RH, kahit papaano, ang magiging daan para sa mga iresponsableng tao, na kahit papaano ay magawan ng paraan, kaysa magkaroon tayo ng maraming dead babies.”

DEFENDING SOTTO. Kung pro-RH Bill si Aiza, anti-RH Bill naman ang isa sa kanyang discoverers na si Senador Vicente “Tito” Sotto III.

Parte ng comedy trio na Tito, Vic & Joey si Sotto sa panghapong programa na Eat Bulaga!.

Nadiskubre at sinuportahan nina Tito, Vic Sotto, at Joey de Leon si Aiza, matapos na sumali ito sa “Little Miss Philippines” nung 1987.

Kasalukuyang naiipit sa kontrobersiya ang “Tito Sen” ni Aiza (tawag ng singer-actress kay Sotto) dahil sa mga batikos na tinatanggap, hindi lang dahil sa pagiging kalaban ng pagsasabatas ng RH Bill, kundi pati na rin sa mga akusasyon ng plagiarism na ipinupukol dito.

Idinepensa naman ni Aiza si Sotto sa kabila ng pagiging magkasalungat nila ng opinyon tungkol sa RH Bill.

“Ako, I have my opinion. Everybody have their opinion.