Isang espesyal na concert naman ang hinahanda ni Aiza para sa kanyang 25th anniversary sa show business. 

Ang kauna-unahan niyang major concert titled Bente Singko na gaganapin sa darating na September 28 sa Smart-Araneta Coliseum.

“I’m also co-producing this concert with Joed Serrano ng That’s Ntertainment Productions.

“Di ako masyadong nakaka-focu. Oh, my God, malapit na!” sabi ni Aiza tungkol sa kanyang nalalapit na concert.

“Kumbaga, every day, may production issues. Ganun ang mga issues na dumarating sa akin. So, di ko napapansin na malapit na pala, kasi there are production issues coming per day. Like stage design, guest na ito, mga ganun.

“Di na ako magbebestida," aniya na ang tinutukoy ay ang ginawa niyang pagbebestida nung unang concert niya na Pagdating ng Panahon nung 2001. Doon din kasi siya nag-celebrate ng kanyang debut o 18th birthday.

"And I made it clear na musical concert siya talaga. It’s not a variety show type of thing na may fireworks, kakakanta kami, yun ang mangyayari.

“Nandun si Bossing of course, Tito Joey, Bayang Barrios, Cookie Chua, The Company. Sessionistas, kasama ko. Gary V [Valenciano], Martin [Nievera], hopefully Gloc9 will make it and ABS Philharmonic.

“Para ito na yung maka-count ko na major talaga, e.

“Ako ito, mag-isa ako dito. First time lahat, first solo na ako lang. Para sa akin major, major ito.”

SHOW’S HIGH RATINGS. Masaya naman si Aiza sa patuloy na mataas ng ratings ng Be Careful With My Heart, kunsaan ginagampanan niya ang role na Kute, ang kapatid ng character ng isa sa bida ng show na si Jodi Sta. Maria.

“I’m happy dahil I’m part of the cast nito,” sabi ni Aiza.

“Bukod sa maganda yung kuwento, walang pataasan ng ihi, walang, ‘Mas magaling ako,’ ‘Mas magaling si Ganito…’ Walang ganun.”

At kagaya ng mga sumusubaybay sa show, hindi rin daw nila talaga alam kung ano ang mangyayari sa show, kada week.