"Kasi noon, tahimik lang ako, so nami-misinterpret nila.

"Hindi ko naman sinasabi na kailangan nilang pilitin ang sarili nila, pero kailangan nilang pag-aralan 'yon, kung ano yung pinasok nila na mundo.

"Kasi yun 'yon, e, yung reality ng showbiz na kailangan talaga marunong ka makisama."

INTRIGUES. Kung mayroon man isang pinakamahirap sa showbiz, ani Jen, ito ay ang intriga.

Mahirap daw para sa mga artistang tulad niya ang maintriga, lalo na kung walang basehan at walang katotohanan.

Aniya, "Kapag kasi involved 'yong family mo, 'yon ang pinakamahirap talaga.

"Kasi karamihan sa mga gano’n, lalo na yung mga naninira talaga, hindi muna nila inaalam talaga kung ano ba talaga'ng nangyayari.

"Parang nabubuhay na lang sila na naririnig lang, hindi nila nakikita or hindi nila napapatunayan.

"Parang ang hirap lang."

PAOLO-LIAN SEPARATION. Napag-usapan na rin lang ang intriga, hindi na naiwasang tanungin si Jennylyn tungkol sa paghihiwalay nina Paolo Contis at Lian Paz.

Matatandaan na noong Setyembre 13, lumabas ang artikulo dito sa PEP tungkol sa pag-amin ni Lian na hiwalay na sila ni Paolo.

Ngunit mariing itinanggi ni Lian na third party ang sanhi ng kanilang paghihiwalay ng aktor, na ngayon ay nasa Amerika para sa U.S. episode ng game show na Manny Many Prizes.

(CLICK HERE for related article.)

Pero sa ibang babasahin ay isinasangkot ang pangalan ni Jennylyn sa paghihiwalay nina Paolo at Lian. Diumano, siya ang third party sa hiwalayan.

Natawa lang si Jen sa balitang ito. 

Aniya, inaanak ni Paolo ang anak niya kay Patrick Garcia na si Alex Jazz o AJ.

"Since Futbolilits, hindi ko pa 'to nakikita,” banggit ng Kapuso actress tungkol kay Paolo.