Sigurado raw kasi Angeline na si Aling Susan nga ang hinahanap niyang ina.

Bakit hindi siya nagdalawang-isip na si Aling Susan ang tunay niyang ina?

Sagot ni Angeline, “Halos lahat ng kamag-anak ko, kilala si Susan, so ibig sabihin noon, yun na talaga. Kaya hindi na rin ako pumayag na magpa-DNA.

"Dati nga nagtitinda ang nanay at tatay ko ng barbecue.”

CHRISTMAS REUNION. Dahil sa pagkikita nila ng kanyang tunay na ina, may plano si Angeline na pagtagpuin ang buong pamilya niya sa darating na Kapaskuhan.

“Ang plano ko sa Pasko, gusto kong magkaroon ng party, ng reunion… pasasalamat sa lahat ng trabaho ko.

"Feeling ko naman, sa Pasko, magiging maayos na. Ito na regalo nila sa akin.”

Regular na ba silang nagkikita ng kanyang nawalay na ina?

Kuwento ni Angeline, “Nung nakaraan, inimbitahan niya ako sa birthday ng lola ko. Hindi ako nakapunta kasi mayroon akong raket noon.

“Minsan nalulungkot ako pag nag-i-invite siya kasi laging hindi ako puwede.

“Sabi ko nga sa kanya, minsan pag nagkaroon ako ng time, pupunta ako ng Cavite kasi dun sila nag-i-stay.

“Lagi siyang nagte-text sa akin pag nakikita niya ako sa TV.

“Lagi niyang sinasabi na manang-mana ako sa kanya kasi kumakanta rin siya… hindi ko pa nga lang naririnig ang boses niya.”

ERIK SANTOS. Noong 6th Star Magic Ball ay magkasabay at magkahawak-kamay na dumating sina Angeline at Erik Santos.

Marami tuloy ang nag-isip na mukhang may espesyal na relasyon na namamagitan sa dalawa.

Agad na nilinaw ni Angeline na magkaibigan lang sila ng kasamahan niya sa ASAP 2012.

“Okay naman kami ni Erik, mabuting magkaibigan pa rin kami hanggang ngayon. Mabuting-mabuti pa rin kami.

"Next month, sana tanungin ninyo ulit ako tungkol dito—ganito pa rin ang sagot ko.”