Ayon sa report ng Startalk TX kahapon, September 23, bago pa man manganak ay puspusan na ang paghahanda ni Katrina Halili sa paglabas ng kanilang anak ng nobyong si Kris Lawrence.

“Actually nakakatawa yung istorya, kasi ang sabi ng doctor sa akin kapag nag-contract ako ng dalawang beses sa eight minutes, pumunta na daw ako, ok na yun.

“’Tapos pagdating namin dito [sa ospital], nakangiti-ngiti lang ako, ‘tapos tsinek nila ako, hanggang sa tsinek nila yung contraction ko. Yun na, sunud-sunod na nga siya!

“Hindi ko nga lang siya talaga nararamdaman kasi mataas yung pain tolerance ko,” umpisang kuwento ni Katrina sa Startalk TX habang katabi si Kris.

At nitong Martes, September 18 bandang alas-siyete ng gabi, via caesarian section ay nagsilang si Katrina ng sanggol na babae na may timbang na 6.6 lbs. at pinangalanan itong Katrence Halili Lawrence Cadevida or Baby Katy.

“Ako, nakikita ko kamukha ni Kris,” sabi ni Katrina, na sinundan naman ni Kris ng pagsasabing, “Ako, nakikita ko, kamukha niya.”

“Pero sinasabi ng mga tao, ‘ayun… kamukha ko, kamukha daw niya.

“So, ako sabi ko, ‘Sige akin na lang yung kamay saka paa,” sabi na lang tuloy ni Katrina na ikinatawa ni Kris.

“Kasi nakikita ko kamukha niya, e,” turo pa ni Katrina sa tumatawang si Kris.

“Pero yung shape ng face niya akin, 'tapos  yung dito, yung chin.”

Kay Kris naman daw nakuha ng bata ang ilong at mata.

KATRINA'S FIRST BREASTFEEDING EXPERIENCE. Kahit likas na matapang, hindi naiwasang mapaluha ni Katrina nang una nitong subukang i-breastfeed ang anak.

“’Tapos dito sa hospital, ayaw pa nila akong pabigyan ng milk. So, kailangan, ganun. Kasi meron siyang nasisipsip dun, e. Iyon yung importante, colostrum ang tawag, yung first milk,” nangingilid ang luha sa matang pag-aalala ni Katrina tungkol sa kanyang unang breastfeeding experience.

Matapos manganak, nasa plano na ba ni Katrina ang pagpapakasal?