Pormal nang inanunsiyo ng ABS-CBN at Dreamscape na si Dawn Zulueta na ang panibagong cast ng teleseryeng Bukas Na Lang Kita Mamahalin.

Unang ini-report dito sa PEP.ph (Philippine Entertainment Portal) ang pagpasok ni Dawn sa teleserye, bilang kapalit ng Diamond Star na si Maricel Soriano, noong January 21.

Si Dawn na ang gaganap bilang ina ng male lead na si Gerald Anderson.

Napagdesisyunan ng Kapamilya network na palitan si Maricel sa naturang role matapos ang insidenteng naganap sa pagitan nila ni Gerald sa first taping day ng show.

(CLICK HERE for related article.)

SECOND CHOICE. Nakangiti at masiglang binati ni Dawn ang PEP at iba pang entertainment press kanina, Enero 28, sa junket interview na naganap sa 14th floor ng ABS-CBN, ELJ Building, sa Quezon City.

Hindi raw alintana ni Dawn na second choice lamang siya para sa naturang role. Wala naman daw kasi talaga sa plano niya na gumawa ng teleserye sa unang bahagi ng taon.

“I’m set to go campaigning for my husband,” natatawang pagbabahagi ni Dawn tungkol sa kanyang asawang si Anton Lagdameo, na tumatakbo ngayon para sa huling termino ng pagka-kongresista ng Davao del Norte.

“Being second choice or what, no, that’s not really an issue to me.

“When it was offered to me, they pitched the story, I liked it.

"I only needed to figure out my schedule, I have to talk also to my husband about it.

“Hindi naman kami agad nag-agree to do it, I asked them to give me a couple of days to think about it, and I also need to discuss it with my management team.

“So Dreamscape along with ABS-CBN had a discussion with my management team, and then I talked to my husband about it.

“Siyempre when it came to the schedule, medyo hirap siya [Anton], pero we came to a sort of compromise.”

TALKING TO MARICEL. Nasa Hong Kong si Dawn nang mabalitaan niya ang isyu sa pagitan nina Maricel at Gerald.