Taliwas sa mga lumalabas na balita, tila going strong pa rin ang relasyon nina Angelica Panganiban at John Lloyd Cruz.
Base sa pinakabagong post ni Angelica sa kanyang Instagram account (@iamangelicap), makikita ang isang masayang moment sa pagitan ng dalawang magkasintahan,
Dagdag pa rito ang caption ni Angelica na, "We cannot Ask for more... ilove you. :) "
Matatandaan na sa press conference ng pelikulang It Takes A Man And A Woman noong nakaraang dalawang linggo, naging emotional ang lead actor ng pelikula na si John Lloyd.
Marami rin ang nagtaka kung bakit nasabi ni John Lloyd ang balak niyang mag-early retirement.
May ilan tuloy na nagtanong kung may problema bang pinagdadaanan sina John Lloyd at Angelica.
Kung ang larawang nasa itaas ang pagbasehan, masasabing maayos at masaya ang relasyon nila sa isa't isa.