First time maging producer ni Andi Eigenmann via the movie Coming Soon under Fearless Productions and Brownsugar Entertainment.
Kasama rin siya sa cast na kinabibilangan nina Glaiza de Castro, Dominic Roco, Boy2 Quizon, at marami pang iba.
Sa April 17 na ang showing ng pelikula na distributed naman ng Viva Films.
Nang makausap si Andi ng PEP.ph (Philippine Entertainment Portal) sa presscon ng pelikulang ito sa Citybest Seafood Restaurant along Tomas Morato, Quezon City, kanina, isa sa mga napag-usapan ay ang pagiging producer niya nga.
Bungad niyang kuwento, “May iba pa namang producers. Marami kasi kami ditong nagtulung-tulong.
“Part of this is Ronald Singson, Neil Arce, and some more.
“Ako naman kasi, I’m still an artist. So, mas ‘andun ako. I still do what I am told to do. So, basically I’m on that side.
“I still go to the set as an actress.
“Basically, I don’t feel that side na producer ako.
“Parang barkadahan kasi kung paano ito nabuo.
“One idea from the other. ‘Tapos, nagtulung-tulong. So, this is it.”
Dagdag pa niya regarding sa istorya ng pelikula, “Basically it’s like making the best out of life. Making it on your own, the best possible way.
“Making sure that you have people there…your friends, people closest to you.
“Yung ganun.”
Twenty-four seven nga raw siya kung magtrabaho ngayon.
May time pa kaya siya para sa kanyang pamilya?
Mabilis niyang sagot, “Oo naman. I still do. I still find time for my baby. I still work out as well.
“That was hard for me at the beginning. Pero as much as marami akong gustong gawin—like ito ngang I call my passion project—bina-balance ko pa rin siya.
“I really hope this movie will do well.
“Basta makita ko lang si Ellie, masaya na ako,” banggit pa ni Andi sa kanyang anak.
JAKE SAYS IT’S OVER. Napag-usapan din ang tungkol sa dati niyang boyfriend na si Jake Ejercito.
Kasalukuyang nasa bansa ito ngayon para sa kampanya ng ama nitong si dating Presidente Joseph “Erap” Estrada. Tumatakbo ngayon ito sa pagka-Mayor ng Maynila.
May panayam kay Jake na sinabi nitong mas magandang maging magkaibigan na lang sila ni Andi.
“I agree,” reaksyon ni Andi, sabay tawa.
Paano naman niya idi-describe ang kanilang friendship ngayon?
“Normal,” natatawa pa ring sagot niya.
“Ewan ko, hindi ko alam kung paano ko ide-describe. Basta we are friends, yes.”
Close friends?
“Yeah,” tugon pa rin niya. “Marami naman kaming pinagsamahan. So, I would still consider him one of my closest friends.
“Hindi naman siguro maalis yun, because we had happy moments naman together.”
Pero sa panayam kay Jake kamakailan wala na raw talaga sila ni Andi kung romantic relationship ang pag-uusapan. Sabi nga nito, “Wala na. Matagal nang wala. End na siguro.”
Ano ang masasabi ni Andi rito?
(CLICK HERE for related story.)
“Okey,” mabilis na sagot ni Andi. “If he said it, then, it’s over. Okey lang.
“I’m happy naman, di ba? And I’m so busy working.
“I’m so blessed to have all these projects na matagal ko nang hinintay at pinangarap.
“Now that I have it, there’s no reason for me na pakawalan pa ito.”
Katatapos lang mag-birthday ni Jake. Ano ang niregalo niya rito?
“Wala, e,” kaswal niyang sagot. “Wala naman siyang hiningi e.
“Puwede pa namang ihabol.
“I’m gonna give him a statue probably of…
“Something like of London that would remind him ng place.
“Kasi, di ba, he has a lot of memories of it, ‘tapos he lives pa there?
“So, I guess I’ll give him that to add to his collection.”
JAKE OVER ALBIE. Inungkat din ng PEP sa kanya ang panayam tungkol sa ina niyang si Jaclyn Jose nitong nakaraang buwan.
Lumalabas kasi na kahit papaano ay magaan ang loob ng aktres kay Jake kesa kay Albie Casiño—ang dati ring boyfriend ni Andi at itinuturo niyang ama ni Ellie.
“A, siyempre, mas magaan naman talaga ang loob ng kahit sinong tao kay Jake kesa kay Albie.
“Kasi hindi naman ako iniwan noon ni Jake, di ba?
“I mean, iba naman ang ginawa niya, compared to Albie.
“My mom naman knows how Albie treated me and si Jake din.
“Kahit man nasaktan ako, o heto nga, naghiwalay na kami. Pero, alam naman ng mom kung sino ang talagang naging mabait pa din sa akin.”
Mula nang ipinanganak si Ellie ay hindi pa ito nakikita nang personal ni Albie.
Ang binata nga kasi ang tinuturo ni Andi na siyang ama ni Ellie.
May pag-asa pa bang makita nang personal ni Albie si Ellie?
“Ewan ko sa kanya,” tugon naman agad ni Andi. “I don’t know why. It doesn’t really matter to me.
“I don’t need him. I mean, kahit nung magsimula ang isyu sa amin and then it’s over, wala na rin akong pakialam.”
“I don’t care anymore. I don’t have to answer any question about it kasi I don’t really have an idea.
“Maybe, you can ask him.”
Pero okey lang ba sa kanya kung maisipan ni Albie na makita nang personal si Ellie?
“I don’t think about it,” tugon ni Andi. “It doesn’t matter. Regardless.”
STILL TOGETHER? Kahit na sinabi na ni Jake na wala na sila ni Andi, lagi pa rin silang naiuugnay sa isa’t isa. Sa katunayan, may mga nagsasabing sila pa rin talaga.
“Hindi ko rin alam,” saad ni Andi.
“Lalaki naman siya. Hindi ko alam kung ano ang reaksyon niya.
“Pero, natutuwa naman ako hindi niya ako ikinahihiya.
“Lagi naman akong honest sa feelings ko na minsan ay sobra ko siyang minahal. But now, I’m past it na talaga.”
Dagdag pa niya, “Kaya nga ako nag-vacation nun sa London, kasi what I forgot about is myself.
“I forgot to put myself first and now…that’s what is more important to me now.”
CHANCE OF JAKE. May another chance pa kaya sa kanya si Jake?
“I have a high regards for him. He’s such a gentleman,” aniya tungkol kay Jake.
“If ever siguro he would ask for it, puwede ko siyang pagbigyan, because alam naman niya how much I had loved him.
“But he has to prove this time na he’s worth it.
“Why? Just because anak siya ni Erap,ako ang dapat na kawawa?”
Dugtong pa niya, “Hindi ko naman siya pahihirapan, pero mahihirapan siya.
“For me, requirement talaga na you should learn to be brave to fight for the one you love.
“Pero, kung hindi, what’s the point, di ba?
“Even if I’m a celebrity, everyone knows na I don’t like somebody who lies, and I always want to go for someone who is honest.
“I really want to be honest to the people I care about.
“At saka, dapat hindi niya ako ikahiya kung talagang mahal pa niya ako. Kasi alam niya na there’s nothing wrong with that.
“So, dapat marunong din niyang ipaglaban yung taong mahal niya.”