May love scene sina Joem Bascon at Jake Cuenca sa pelikulang Lihis na ididirek ni Joel Lamangan at isinulat ni Ricky Lee.
Ang pelikulang ito ay entry sa Sineng Pambansa All Masters Series Film Festival ng Film Development Council of the Philippines.
Ito ang unang pagkakataon ng ganitong klaseng eksena sina Joem at Jake.
Sabi ni Joem sa PEP.ph (Philippine Entertainment Portal), “Gusto kong maipakita na kaya kong gumawa ng isang film, gay role na makikita ninyo na kaya ko talaga siyang gawin.
“Hindi yung, 'O, kontrabida ka na naman, lagi na lang ganito.' Gusto ko na iba naman talaga.”
Hinahabol din ba niya ang magka-award at mapansin?
Sagot ni Joem, “It’s not the award but fulfillment for myself. Gusto ko lang talagang magawa nang tama.”
Ano ang pinakamatinding requirement niya sa pelikula na medyo “hesitant” siyang gawin?
“Magpapakita kami ni Jake, may nudity talaga kami ni Jake. First time namin ni Jake na magla-love scene na same sex,” sagot niya.
Sa pagkuwento ni Joem tungkol sa kani-kanilang papel sa pelikula, si Jake daw talaga ang nagtatagong bading habang siya naman ay nagising lang sa sekswalidad niya noong may nangyari na sa kanila.
Hindi naman daw nagdalawang-isip si Joem sa pagtanggap sa nabanggit na “lihis” na role.
Saad niya, “Actually, it was offered kay Baron [Geisler]. Siya talaga ang na-cast sa role ko. Tapos, nagkaroon ng changes.
"At sabi ko nga, sige, gagawin ko yun for Direk Joel Lamangan and Sir Ricky Lee.
“Happy na rin ako, at least, si Jake ang kasama ko, kumportable na rin ako.”
COMFORTABLE WITH JAKE. Malaking bagay kay Joem na si Jake ang makakaeksena niya dahil magkabarkada raw sila at nagkasama na noon sa ilang teleserye.
Aniya, “Magbarkada kami ni Jake kaya mas kumportable ako na siya ang kahalikan ko.”
Hindi ba mas nakakailang na si Jake ang kahalikan niya na kabarkada niya pala?
“Hindi naman,” sagot ni Joem.
“Pero feeling ko, after nito, hindi muna kami magkikita ng isang linggo.
"E, kasi, kahalikan mo, baka mamaya kainuman mo bigla,” natatawa niyang sabi.
Posible bang mangyari yun?
“E, kasi, kung in character pa kayo,” sabi niya.
Confident naman siya sa kanilang dalawa ni Jake na hindi nga sila malilihis?
“Oo naman, oo naman, hindi kami malilihis,” diin niya.
Hindi pa raw nila nasu-shoot ni Jake ang love scene nila. Pero sinabi na raw sa kanila ni Direk Joel kung ano nga ang kailangan.
“Basta ang sabi niya, the role and the film requires nudity, passionate sex, it requires kissing.
"Hindi basta petty kiss lang, it really requires kissing.
"Actually, nag-upuan kami at in-explain talaga sa amin ni Direk Joel.”
Ikalawang pagkakataon daw ni Joem na maidirek ni Joel.
“Actually, excited akong gumawa kay Direk Joel. Pero parang ito ang first na heavy ang dating. At saka, nagandahan ako sa material.”
WHY ONLY NOW? Bakit ngayon lang siya tumanggap ng ganitong klase ng karakter kahit marami na rin naman siyang indie film na nagawa?
“Noong dati, medyo takot pa ako. Baka hindi ko ma-portray nang tama.
"Kumbaga, parang hindi pa hulmado, kaya natatakot ako.”
Saan siya natatakot?
“Natatakot ako in a sense na baka ma-criticize na half-baked. Sayang kung yun ang gagawin mo tapos, hindi mo naman ma-fulfill ng buo.
"Sabi ko nga, kung gagawa ako ng gay roles, ibibigay ko ng lahat.
"Frontal nudity, love scene, ibibigay ko na ng isang bagsakan,” sabi niya.
Willing siya mag-frontal nudity?
“If the scene requires for it, why not? With the right director, the right script.”
Paano niya nasabing ito na nga ang tamang panahon?
“Hindi na kasi ako bumabata, nagkakaroon na ng longing na kasi, hindi mo na magagawa.
"Kapag nasa thirty, thirty-five na ako, hindi ko na magagawa.”
Saan siya mas natsa-challenge sa role niya?
“Siyempre, it could be the love scene. Kung paano ko ipapakita na mahal ko si Jake.
"At saka, kung papaano ko pa rin ipapakita kasi, partner ko rin si Lovi [Poe] dito, so kung papaano ko maipapakita kung sino ang mahal ko sa kanilang dalawa.
“Very confused din ako sa sexuality ko rito. So, maraming naglalaban sa aking puso.”
INDECENT PROPOSALS. Sa totoong buhay, hindi naman itinanggi ni Joem na may mga indecent proposals din daw siyang natatanggap mula sa mga bading.
Natatawang sabi nga niya, “Smile na lang, hello, ba-bye…”
Ano ang pinakabonggang offer sa kanya?
“Tine-text niya 'ko. Basta sabi niya... anything.”
Showbiz o non-showbiz ang gay?
“Hindi ko na lang alam, bigla na lang nagti-text na nakilala ko raw siya sa party. Kinuha raw niya ang pangalan ko through one of our common friends.
"Pero hindi ko pa siya nakikita, nagtatago siya. Iniiba niya name niya,” kuwento niya.
ON BEING COMPARED TO PIOLO. Pitong taon na rin ang nakalilipas simula nang mag-artista siya. At noong nagsisimula pa lamang si Joem ay madalas sinasabing kamukha niya si Piolo Pascual.
Pero ngayon, puwedeng sabihin na nakawala na siya sa anino ni Piolo. Ano ang pakiramdam niya?
“Natutuwa naman, trinabaho namin yun. Trinabaho naming lahat,” sabi niya.
Meron siyang “effort” talaga na baguhin ang looks niya?
“Wala naman, basta kung ano lang ako.”
Yung sinasabing kamukha niya si Piolo, naging disadvantage ba sa kanya yun?
Pag-amin naman ni Joem, “Noong tumatagal na.
“Kasi, hindi na siya ganoon—hindi na naggu-grow as an actor. Palagi na lang kinukumpara na ganito, ganyan.
“Advantage noong una. Pero, natuwa rin ako kasi merong chance na magawa yung mga ganitong klaseng role.
"Kasi, feeling ko, hindi sila puwedeng gumawa ng ganitong klase ng role.”