Nagiging habit na yata ngayon ng mga artista na sumakay ng MRT para makarating sa pupuntahan nila.

Sa tindi na kasi ng traffic dito sa Pinas, marami na ring mga artista ang sumasakay ng pampublikong mode of transport na ito.

Nandiyan sina Anne Curtis, ang magdabarkads na sina Jose Manalo at Wally Bayola, at ngayon naman, si John "Sweet" Lapus.

Galing daw sa Trinoma si John kasama ang 5-year-old na pamangkin niya para manood ng The Avengers.

"E puno ang Avengers. E gusto ng pamangkin kong si Faith (5 years old) ng 3-D. E traffic. So MRT to Shangri-La Mall. Pasok," kuwento ni Sweet kung bakit siya nag-MRT.