Kung titingnan mo si Macho, akala mo tigasin at hindi matitibag.

Pero huwag ka, madali palang tuluan ng luha si Macho kapag nai-stress.

Nung lumabas kasi ang isang iskandalo tungkol sa kanya, kinausap siya ng executives ng kumpanyang may hawak sa kanya.

Go siya sa office nina executives, kasama pa ni Macho ang kanyang manager at parents.

Pinag-usapan nila ang tungkol sa iskandalo ni Macho.

Laking-gulat ng executives, nang biglang nag-cry si Macho sa harap nila, ni manager at ng parents.

Hindi nila akalain na ang ka-macho-han na lalaking ito ay iyakin pala sa harap ng isang problemang kung tutuusin ay kaya namang kontrolin.