Ang mga dumalo sa presscon kahapon, Disyembre 6, ay sina: (L-R) Direk Frank Gray Jr., Roadfil, Moymoy, Dolphy, Ejay Falcon, Roy Alvarez, Tony Mabesa, at ang co-producer na si Zsa Zsa Padilla.

Kasama sa cast ng Father Jejemon sina Cherie Gil, Maja Salvador, Nash Aguas, Epy Quizon, at  Rhap Salazar. 

Sinabi ni Dolphy na pinapasa na niya ang pamamahala ng RVQ Productions sa partner niyang si Zsa Zsa Padilla. 

Natutuwa si Zsa Zsa na nagkaroon siya ng pagkakataon na makatrabaho si Dolphy sa isang produksyon. 

Isa sa mga pinakamaagang dumating ay ang partner ni Dolphy na si Zsa Zsa Padilla, producer ng Father Jejemon. 

Nagkagulo ang mga miyembro ng press nang dumating ang lead star ng pelikula na si Mang Dolphy. 

Nagpatawa at nakipagbiruan sa mga press ang Internet sensation na mga komedyanteng sina Roadfil at Momoy. 

Mula sa mga spoofs na in-upload nila sa YouTube, nakilala ang dalawa at ngayon ay nagkaroon ng kanilang unang pelikula kasama pa ang Hari ng Komedya. 

Nararamdaman ng dalawa na malaking karangalan ang makasama nila sa pelikula si Mang Dolphy. 

Present din si ang Regal Entertainment big boss na si Mother Lily Monteverde. 

Mainit na yakap ang sinalubong ni Mother kay Mang Dolphy sa pagdating nito kahapon sa press conference. 

Playing the villain—Roy Alvarez. 

Sa pelikula, siya ay si Mr. P, isang businessman na kinokontrol ang fictitious town na Parmbil. 

Ang respetadong aktor at propesor sa larangan ng teatro na si Tony Mabesa ay gaganap na si Fr. Baby, ang longtime priest ng Parmbil. 

Ginagampanan ni Mang Dolphy ang role ni Fr. Jeremiah Jerome Montes, o Fr. Jejemon.

Hindi naman inaasahan ni Dolphy pa ang mga awards sa darating na MMFF. Sabi niya, gusto lamang daw niyang magpasaya at makapagbigay ng aral.

Humirit pa ito ng, "Sana kumita lang ito ng konti!". 

Si Frank Gray, Jr. ang nag-direk ng comedy film na ito. 

Naging direktor ni Dolphy si Frank sa movie na Omeng Santanasia (1977) bago siya nagpunta ng Amerika at nanirahan doon ng 19 years. 

Namataan din sa presscon ang panganay na anak ni Dolphy (Rodolfo Quizon) na si Rodolfo Quizon Jr. 

Dating lumalabas sa mga pelikula si Junior bago siya nagkaroon ng kaso at nakulong ng ilang taon.