More than 100 Pinoys ang sumugod sa Joyce St. sa Renfrew-Collingwood area, kung saan may isang building na tadtad ng mga Pinoy stores and restaurants, kabilang na ang Kambingan sa Bahay-Kubo at Goto King.

Ilan sa mga tindahan dito ay naging ticket outlet para sa April 23, 2011 show ng Dabarkakads sa Queen Elizabeth Theater.

Sa maliit na grupo lang nagsimula ang shot na ito na ang tanging gusto ay ma-capture ang giant cherry blossom sa background. Maya-maya pa ay nagyayaan na ang grupo at halos wala nang gustong humawak ng camera.

Kunwa ay walang pakialam si Vic at hindi sumasali sa grupo. Yun pala ay may binabalak ito. Nang marinig ang "three" ng nagwa-wantu-tri ng tagakuha ng picture ay bigla itong gumitna para "sirain" ang group shot.

Bagamat hindi pa rin namin nakuhanan ng direct admission sina Pia Guanio at Bossing Vic Sotto kung ang dating "under construction" nilang relasyon ay tuluyan nang gumuho, halatang may konting pagbabago sa pakikitungo nila sa isa't isa. Gaya ng hindi na sila gaanong nagdidikit at hindi na rin sila "roomie."

Pero base na rin sa Vancouver interview ni Allan Diones kay Pia, na eksklusibong nailathala dito sa PEP (see related story), ay obvious namang napanatili ng dalawa ang kanilang malalim na pagkakaibigan.

Hindi man sila magkasama sa lahat ng lakaran ay sigurado namang sa bawat kainan ay sila pa rin ang magkatabi-mapa-breakfast man, lunch o dinner sa upuan at nagtatanungan kung ano ang o-ordering pagkain.

Ayon na rin kay Pia, hindi naman kailangang magbago ang lahat sa kanila ni Vic.

"E, bakit naman magbabago? Kailangan bang magbago ang lahat?," sey ni Pia kay Allan Diones.

Mahigit 3,000 Pinoys ang sumugod sa Queen Elizabeth Theater, located at Hamilton at Dunsmuir, Vancouver, British Columbia, noong April 23, 2011, ang takdang araw ng Eat Bulaga! show doon. 2,781 lang ang seats ng teatro kaya nag-improvise na lang ang mga producers dahil bukod sa mga nagpa-reserve any marami ring nag-walk in noong araw mismo ng show.

Alas-tres pa lamang ng hapon ay masugid nang nakapila ang mga Pinoy para sa 7:30 pm show. Marami kaming namataang avid fans ni Francis Magalona (ang Dabarkads na pumanaw noong March 2009 dahil sa leukemia) sa pilahan at mga naka-Three stars and a Sun shirts sila, ang T-shirt brand na likha at pinasikat ni Francis M mismo.

Ala una pa lang ng hapon ay nasa Queen Elizabeth Theater na ang mga Dabarkads, liban sa TVJ na 3pm ang call time. Alas sais nang magsimulang magpapasok ng audience sa venue at wala pang ilang saglit ay puno na ito ng tao.

Maagang dumating sa Queen Elizabeth Theater ang buong Dabarkads dahil bukod sa pagme-makeup ay noon lamang nakatakdang mag-rehearse ang ilan sa mga spot numbers nila. Kabilang na sa mga first-time magre-rehearse ay ang TVJ (Tito, Vic, and Joey).

Sa picture na ito, nire-rehearse nila ang kanilang second-to-the-last number, kung saan nag-big band medley ang pamosong trio.

Sulit na sulit ang EB babes sa EB show tour na ito dahil halos sa lahat ng major production numbers ay kasali sila, kaya naman ang buong Biyernes ay inilaan lang nila sa pagre-rehearse at tuloy-tuloy na ito hanggang Sabado, araw ng show.

Crowd jester ang papel ni comic actor Philip Lazaro noong gabing yon. Isa siya sa masasabing off-cam EB family member.  Bilang jester, trabaho niyang i-brief ang audience kung ano ang mae-expect nila sa palabas. Kasali rin sa pagbi-brief niya ang mechanics ng Pinoy Henyo with a twist. May tatlong pre-selected nang contestants pero sa Vancouver version, wala silang ka-tandem kundi audience ang magiging taga-sabi ng "oo," "hindi," at "puwede" sa contestants na huhula sa word na ilalagay sa kanilang noo.

Kanya-kanyang toka ng kanta ang TVJ sa opening number. "Just The way You Are" ni Bruno Mars ang kay Tito Sen, "Every Breath You Take" ang kay Bossing at "Sugod" naman ang kay Joey.

But Joey being Joey, kinarir niya the night before ang pagpapalit ng lyrics ng kantang pinasikat ng Sandwich. Sa part kung saan sinasabing "Sugod, mga kapatid," ay pinalitan niya ito ng "Subo" mga kapatid at ang lusot niya ay subo daw ang tagalog ng "eat," at siya'y taga-Eat Bulaga!.

Si Michael V aka Bitoy backstage na maaga pa lang ay nakasalang na sa makeup room dahil mabusising gawin ang makeup niya para sa character niyang Lady Gaga. Ang Youtube sensation niyang "Bathroom dance," na spoof niya sa kantang "Bad Romance" ni Lady Gaga kasi ang spot number ni Bitoy that night.

Minutes before the show started, the Dabarkads, as always, assembled backstage to pray. The prayers, led by lady boss Malou Fagar (rightmost), included special mention about Tito Sotto's voice. Minamalat kasi si Tito Sen that night samantalang ang dami pa naman niyang solo numbers.

Pinapahingan muna ng TVJ ang "sapatos ni Aling Sion" sa kanilang tough hits portion. This time, binalikan nila ang kanilang "Bahay Kubo" skit, kung saan tina-translate nila ng "pabarubal" ang mga letra ng Pinoy folk song into English.

Taga-gitara ang role ni Tito Sen, taga-translate si Bossing, habang taga-dagdag alaska si Joey.

At para may twist, sinali nila si Jimmy Santos sa act. Kilala si Jimmy sa kanyang pag-i-English karabaw at hinahanap-hanap na rin ito ng audience.

Samantala, sa kanilang closing number, muling nag-medley ang TVJ—"Disco Fever" ang banat ni Tito Sen, "Ipagpatawad Mo" ang kinanta ni Bossing—sa aliw ng hiyawan ng female crowd—at "Rock Baby Rock" naman ang kay Joey.

Habang kumakanta ang tatlo ay isa-isa nang naglalabasan ang mga Dabarkads sa stage. Hudyat na ito ng pagtatapos ng show. By this time, hindi na magkamayaw ang audience sa huling-hirit din nilang pagpitik ng camera bilang souvenir ng masayang gabing iyon.

Bukod sa "green" version nila ng "Anak" ni Freddie Aguilar na lagi nilang pineperform abroad ay dinagdagan nina Jose at Wally ang skit nila that night ng kanilang Justin Bieber versus Paul Anka act dahil nasa Canada nga naman sila, ang birthplace ni Bieber.

Pag kinakanta ni Wally ang sikat na Justin Bieber song na "Baby," ay binabalewala ito kunwari ni Jose dahil halaw lang daw ito sa kantang "Diana" ni Paul Anka, sabay banat ng Diana na may himig na "Baby."

Ka-table ni Pauleen sa after-show dinner sa Hon restaurant si Bitoy and his lovely wife Carol.

Matapos ang dinner ay maagang nagpa-alam si Bitoy sa grupo. Magpapahinga na raw sila dahil alas-siyete ng umaga ang flight nila ng kanyang pamilya pabalik ng Corona, Los Angeles, kung saan ay ipagpapatuloy nila ang kanilang summer vacation sa nabili nilang bahay doon.

Sa Vancouver na pala naka-base ngayon ang dating Viva Hot Babe member na si Miles Hernandez. Nakapag-asawa ito ng Pinoy din at maayos na namumuhay doon. At dahil kaibigan niya ang ilan sa mga EB Babes, nanood ito ng show at ipinokus pa nga ni Direk Poochie sa camera.

Noong umaga ng April 24, Easter Sunday, ay nagsimba si Bossing Vic (in glasses), kasama si Wally Bayola, sa Guardian Angel Catholic Chuch na ilang blocks lamang ang layo mula sa Hotel.

Bago pa umalis ng Pilipinas ay binilin na niya kay Malou Fagar na ihanap siya ng driver para sa Easter Sunday dahil gusto nga raw niyang magsimba.

Doble kasi ang pasasalamat ni Bossing dahil bukod sa napaka-successful ng kanilang Vancouver show ay nabalitaan na niyang patok sa takilya ang first movie teamup nila ni Bea Alonzo—ang Pak, Pak, My Doctor Kwak—na nag-showing noong Black Saturday in more than 100 cinemas nationwide.

Konti lamang ang Pinoy sa nasabing simbahan kaya nagpa-unlak si Bossing ng picture-taking sa mga ito matapos ang misa.

Namataan din namin si Anjo Yllana noong communion portion na. Nagsimba rin pala ito dahil birthday niya noong araw na 'yon. Pero matapos ang misa ay bigla na lang itong nag-disappear. Ang pagdi-disappear at pagso-solo ay trait na ni Anjo na tanggap ng grupo. Kaya naman ang tawag sa kanya ay "may sariling mundo."

(Bago nga lumabas ng hotel earlier on para magsimba ay tinanong muna ni Bossing ang isa sa mga organizers nila doon kung si Pia daw ba ay naihatid na sa pupuntahan nitong bay para mag-whale watching. Patunay lang na ang pagke-care nila sa isa't isa ay ever present at di na mawawala.)

After magsimba ni Bossing, niyaya niyang mag-lunch sa isang Korean barbecue restaurant si birthday boy Anjo at si Wally. Treat daw niya ito kay Anjo.

Maya-maya pa ay dumating ang grupo ni Malou Fagar sa same restaurant pero umiba ng table.

Matapos kumain nina Bossing, lumapit sila nina Anjo sa grupo ni Malou Fagar para magpaalam na mauuna nang bumalik sa hotel. Laking gulat nina Malou nang magbabayad na ito later on dahil ayon sa Koreanang waitress ay binayaran na raw nina Bossing Vic at Anjo ang mga inorder ng grupo ni Malou.

Korean beef barbecue na ikaw mismo ang mag-iihaw ang paboritong kainin ni Bossing Vic sa Vancouver. Iba-ibang Korean resto ang sinubukan niya doon at hindi naman siya nabibigo sa flavor na hinahanap niya; ayon nga sa kanya, pati buto ay sinispsip niya.

Pinapatago muna ni Pia sa concierge ang kanyang maleta at babalikan na lang sa gabi. Alas dose kasi ng tanghali ng Linggo (April 24) ang takdang check out ng grupo samantalang alas onse pa ng gabi ang flight. May time pa para mag-ikot-ikot at mag-last minute shopping.

Earlier that day ay solong nag-whale watching si Pia sa may English Bay. Successful naman daw ito. Ang regret lang niya ay hindi niya nadala ang kanyang Canon G11 na camera dahil takot siyang nabasa ito. Iyon pa naman daw ang may "the best zoom lens" kaya hindi daw ka-bogggahan ang picture niya sa mga whales.

Hindi uso sa mga artista ang alalay kapag nasa abroad. Kaya naman kanya-kanyang hatak, hila, at buhat ng mga bagahe ang drama. Gaya na lang ni Ruby na heto't busy sa pagtutulak ng kanyang "mag-inang" red Samsonite luggage pair.

Ipinagmamalaki ni Jose ang pasalubong niyang puppet para sa kanyang bunsong anak na babae na mahilig daw magpa-story- telling.

Bago tuluyang pumasok sa departure area si EB lady boss Malou Fagar (center) at ang kanyang mga kasamang media people from Manila ay nag-request muna ng group shot ang mga producers ng Bulaga show sa Vancouver sa pangunguna ni Rey Fortaleza (right of Malou) of R&B Productions at LA-based producers na sina Haro de Guzman of Shadow Inc., Entertaninment (left of Malou) at co-producer niyang sina James Ong (standing, second row, fourth from left) at Bojie Yangco (rightmost) kasama ang mga Pinoy volunteers sa utility and mobility ng mga Dabarkads habang nasa Vancouver.