(L-R) Joey de Leon, Vic Sotto, at Tito Sotto.

Sila ang pamosong T-V-J (Tito-Vic-Joey) na siyang nagsisilbing haligi ng programang Eat Bulaga. Mula nang magsimula ang naturang programa noong Hulyo 9, 1979, hanggang ngayon ay nananatiling matatag ang samahan ng tatlo.

Mula sa pagiging kontrabida, si Jimmy Santos ay  sumikat bilang komedyante mula nung siya'y naging bahagi ng naturang noontime show.

Taong 1980 nang siya'y mapasama sa show, at nakilala sa kanyang balu-baluktot na pag-i-Ingles.

Noong late 1980s, pinasikat niya ang pagbati na: "I love you three times a day!"

Bago magsimula ang programa, nakangiting tinitignan ni Ruby Rodriguez ang mga larawang nakasabit sa paligid ng venue.

Nang tanungin siya kung bakit, sinabi nito na, "Parang transition kasi, o! Mula payat ako, hanggang tumaba, hanggang mag-asawa, nakikita ko dito."

Sina Jose Manalo (Left) at Wally Bayola (Right) ang mag-duo sa pagpapatawa tuwing tanghali, partikular sa kanilang segment na "Juan for All, All for Juan."

Kabilang sila sa mga pinakabagong miyembro ng programa.

Si Anjo Yllana ang tahimik ngunit kuwelang bumanat sa mga "Dabarkads." Naging host siya ng nasabing noontime show noong 1995.

Taong 2005 din nang makasama sa naturang noontime show ang aktres at singer na si Julia Clarete, matapos nitong lumipat mula sa Kapamilya network.

Si Paolo Ballesteros ang kasama nina Wally Bayola at Jose Manalo sa segment ng naturang show na "Juan for All, All for Juan."

Bagamat nagsimula siya sa Kapamilya network, mas napansin ang talento ni Pia Guanio sa pagho-host nang malipat siya sa Kapuso network, lalo pa nang mapabilang siya sa Eat Bulaga!

Sa kasalukuyan, host din si Pia ng entertainment talk show na Showbiz Central, at entertainment news anchor ng 24 Oras.

"Nakakatuwa na kahit wala na ako sa show nila, kapag may importanteng okasyon, iniimbitahan nila ako." Ito ang naging pahayag nang nagbabalik na komedyanteng si Ritchie D' Horsie.

Kasama din siya sa original cast ng 'Iskul Bukol' noong 1980s, at sa halos lahat ng pelikula nina Tito, Vic at Joey mula noon.

Ang kolumnista at entertainment TV host na si Butch Francisco ang siyang sumulat ng makulay na kasaysayan ng Eat Bulaga! sa naturang coffee book.

Sa kanyang speech, ibinahagi ni Butch na madaming konsiderasyong ginawa bago pa man nasimulan ang paggawa ng naturang coffee book—hanggang sa ngayo'y inilunsad na ito sa ika-32 anibersaryo ng palabas.

Kabilang din sa mga panauhin noong gabing iyon sina (mula kaliwa) Eileen Macapagal, maybahay ni Joey de Leon; Wilma Galvante, SVP for Entertainment TV ng GMA-7; at Madeleine Tuviera, misis ni Mr. Tony Tuviera. 

Nang lumaon, nawala si Chiqui sa Eat Bulaga!, na noon ay nagsisimula pa lang, kulang sa ads, at madalas ay di nakakabayad sa mga hosts nito. Ito ay ayon na rin sa coffee table book ng show.

Magandang pangitain na inimbitahan pa rin si Chiqui ng Eat Bulaga! team sa launching ng libro ng programa.

Si Aiza Seguerra ang isa sa mga artistang masasabing literal na "lumaki" sa Eat Bulaga! 

Tatlong taong gulang siya noong sumali sa 'Little Miss Philippines'—isang talent competition sa naturang programa—noong 1987.

Hindi man siya nanalo, naging bahagi siya ng show mula nung nakita ng mga hosts (pati na rin ng mga manonood) ang kanyang taglay na talino at kaaya-ayang pakikitungo kina Tito, Vic at Joey.

Nakilala siya sa kanyang "duck walk" at iba pang mga katuwa-tuwang kilos at pananalita. Ayon sa coffee table book ng Eat Bulaga!, napakalaking tulong ni Aiza para magaping muli ang kumpetisyon noong panahong iyon.

Sa kasalukuyan ay isa nang recording artist si Aiza, at mapapanood sa GMA-7 program na Protegé.

Kwela na nag-host ang dalawang komedyanteng sina Allan K (left) at Ruby Rodriguez (right). Nang makaligtaan ni Allan na may spiel pa siya, nagbiro si Ruby, "Ayan, hindi kasi binabasa." May cue cards kasi ang dalawang hosts, ngunit hindi nakita ni Allan na may isang index card pa siyang dapat basahin. Tawa naman nang tawa si Allan at ang audience.

Inawit ng Mandaluyong Children's Choir at ni Aiza Seguerra ang theme song ng Eat Bulaga!

Matapos ang mga ipinalabas na VTR ng maikling kuwento ng noontime show, inimbitahan sa entablado ang lahat ng naging hosts ng palabas—mula noon hanggang ngayon.

(L-R) Joey de Leon, TAPE President Antonio Tuviera, at Jimmy Santos.

Nagbigay ng maikling mensahe si Antonio Tuviera nang gabing iyon. Sinabi ng well-loved producer: "Ang Eat Bulaga! po is about friendship. Isang pagkakaibigan na naging pamilya na—walang kontrata, walang memorandum of agreement, selyado lang ng isang pagkakaibigan na may tiwala sa isa't isa..."

Naiyak nang husto si Joey de Leon sa sinabi ni Mr. T (ang tawag sa prodyuser), at mababanaag din ang luha sa mga mata nina Vic at Tito. Hanggang sa magyakapan sila sa stage.

Matapos ang maikling mensahe ni Mr. T, inimbitahan niya ang lahat na mag-toast para sa tagumpay ng kanilang programa. May champagne namang hawak ang mga miyembro ng audience na masiglang nakipag-toast.

Iniabot ni Malou Choa-Fagar (in pink dress) ang pinakaunang kopya ng coffee table book ng Eat Bulaga kay Antonio Tuviera (with black coat).

Buong pagmamalaking ipinakita ni Antonio Tuviera ang Eat Bulaga! coffee table book sa lahat ng kanilang panauhin. Kabilang dito ang bigwigs ng GMA7 na sina Atty. Felipe Gozon at Jimmy Duavit.

Ito ang litrato ni Joey de Leon (middle) nang tuluyang nang maiyak matapos ang madamdaming speech ni Antonio Tuviera (right). Sa una ay pigil pa ang luha ni Joey. Niloko tuloy siya ni Vic na "May pa Steve Jobs, Steve Jobs ka pa! Iiyak ka lang pala."

Sa adlib kasi ni Joey bago nito, binanggit niya ang visionary na si Jobs (co-founder ng Apple, inventor ng mga IPod, IPad, IPhone at iba pa) na kamamatay pa lamang.

Narito ang ilang memorabilia ng programang Eat Bulaga! na kanilang inilagay sa likod ng entablado.

CLICK HERE to view part 2 of the gallery.