Bagama't prominente na ang pagbubuntis ni Priscilla, angat pa rin ang kagandahan nito, na lalo pang binagayan ng kanyang suot na lavender cocktail dress.

Maaga siyang dumating sa Manila Pen kaya naman nakangiti niyang sinalubong ang mga dumadating na panauhin.

Ang "Anechka" ay isang pangalang Ruso na ang ibig sabihin ay "grace," o kagandahan ng bikas at kilos.

Isa rin itong pangalan na hango sa Bibliya na ang ibig sabihin naman'y "the one chosen by God to speak."

Nahirapan pa raw sina Priscilla at John sa pagpili ng magiging pangalan ng kanilang anak.

Ani Priscilla, "We are so picky when it comes to that, we really wanted our daughter to have a unique name."

Siyempre, hindi pinalagpas ng mga anak ni John Estrada ang baby shower ng kanilang bunsong kapatid.

(Mula kaliwa) Naroon ang magkakapatid na Yuan, Czarinah Isabella, Michaela Aryanna, at Moira Danielle—ang mga anak ni John kay Janice de Belen.

Nabanggit sa amin ni Priscilla na mahilig sa bata ang mga anak ni John, kaya naman sigurado siyang tutulungan siya ng mga ito sa pag-aalaga ng kanyang magiging baby girl.

Naroon din sa kasiyahan si Marcia Meirelles (kanan), ang ina ni Priscilla (kaliwa). Hindi gaanong marunong mag-Ingles ang nanay ni Priscilla, kaya't ang usapan ng mag-ina ay salitang Portuguese. 

Kasama ang mga kaibigan ng soon-to-be-mommy...

Bagama't sa ibang bansa siya lumaki, sinabi niyang, "I'm a Filipina by heart, and I know I have a lot of family and friends here already."

Matapos ang maliit na salu-salo ay sinimulan na ang programa, at si Priscilla mismo ang nagsilbing host.

Nauna niyang pinasalamatan ang lahat ng dumalo sa baby shower ni Anechka, at kanyang ibinahagi ang kuwento tungkol sa pangalan ng kanyang magiging anak.

Isa sa mga games ay bingo!

Sinamahan ni Martha Young-Lim (kanan) ang misis ni John sa pagpa-facilitate ng laro.

Ang mga patterns na vertical, horizontal, at diagonal ang sinunod ng mga manlalaro, at ang mga nagwagi ay binigyan ng pink pouch bag.

Dumalo sa baby shower ni Anechka si 2009 Miss Philippines Earth na si Sandra Seifert (kanan).

Naging charity event din ang baby shower.

Imbes na regalo para sa kanyang magiging anak ay mga donasyon para sa C.R.I.B.S. Foundation ang hiningi ni Priscilla mula sa kanyang mga bisita.

Nagbigay ang dating beauty queen ng mga gatas na pambata kay Ms. Liway (kanan), kinatawan ng C.R.I.B.S. Foundation.

Ang C.R.I.B.S. Foundation ay isang non-government organization na kumakalinga sa mga inabandunang sanggol at mga menor de edad na babaeng pinagsamantalahan.

Ang mga dumalo sa pagtitipon ay sinabihan na magsuot ng mga wide-brimmed hats o mga sombrerong ginagamit noong Victorian period.

Hinati sa tatlong kategorya ang pagpili sa mananalo—best hat, most elegant, at most fashionable.

Sa kategoryang best hat, nagwagi si Martha (kaliwa).

Old English tea party ang tema ng baby shower para kay Anechka kaya ang bawat mesa ay puno ng chocolate at fruity pastries.