Kinasabikan at inabangan ng halos buong Metro Manila ang paglibot ng Unkabogable Party Bus Caravan kahapon, Lunes, January 30. Palibhasa'y lulan dito ang mga host ng It's Showtime!, ang bagong palabas ng ABS-CBN na kapalit ng Happy Yipee Yehey!

Nagsimula nang tanghali ang pag-ikot ng Unkabogable Party Bus Caravan lulan ang mga hosts na sina Vice Ganda, Anne Curtis, Billy Crawford, Vhong Navarro, Karylle, at sina Teddy at Jugs.

Kasama rin sa bus ang magiging permanent hosts sa bagong show na sina Jhong Hilario, Ryan Bang, at Coleen Garcia. 

Lumibot ang caravan sa Brgy. Santolan sa Pasig, Brgy. Nangka sa Marikina, pagkatapos ay dumaan sa EDSA papuntang Monumento, bago bumalik sa ABS-CBN .

Ang It's Showtime!, na may bagong format, ay  mapapanood sa ABS-CBN simula Sabado, February 6, 2012.