Si  Bea Binene ay ang gaganap bilang Alice. Dahil sa mga kakaiba ngunit sinasadyang mga pangyayari, nahiwalay si Alice sa kanyang mga tunay na magulang at naging isang teenager na lumaki sa isang ampunan. 

Habang siya'y lumalaki, makakagisnan si Alice ng kakaiba at nakatutuwang bungisngis. Siya rin ay nagtataglay ng isang natatagong kapangyarihan. 

Si Jean Garcia ay gaganap bilang Esmeralda, isang mangkukulam na naging dahilan kung bakit nalayo si Alice sa tunay niyang mga magulang.

Sa kalaunan, siya'y magpapanggap din bilang ina ni Alice upang matakasan ang isang sumpa na ipinataw sa kanya. Sa umpisa'y tatanggapin siya ni Alice bilang isang ina.

Si Ana Roces bilang Matilda, ang tunay na ina ni Alice. Isa siyang mabuting mangkukulam na isinumpa ni Esmeralda na maging matanda sa bandang huli.

Si Matilda ay ang asawa ni Hilario (Janno Gibbs), ang ama ni Alice.

Si Janno Gibbs bilang Hilario, ang ama ni Alice na isinumpa naman ni Esmeralda na mabitag sa sisidlan na may dagta.

Magpapatuloy ang paghihirap ng mag-asawang  Matilda (Ana Roces) at Hilario hangga't hindi nawawala ang sumpa kay Esmeralda (Jean Garcia).

Jake Vargas bilang Ace, ang suplado at tahimik na tagapagmana ni Don Zaldy (Roy Alvarez).

Sa una ay hindi sila magkakasundo ni Alice ngunit sa kalaunan ay magiging matalik silang magkaibigan at magkakagustuhan na tutulan naman ni Maggie (Irma Adlawan), ang ina ni Ace.