Ang TV host na si Vice Ganda ay walang humpay na kumaway sa mga tao tulad ng walang humpay nitong pagpapasaya sa kanyang programa tuwing Linggo ng gabi sa Gandang Gabi Vice.

Si Dingdong Dantes ay gumaganap sa dalawang katauhan sa My Beloved, isa bilang si Arlan na natatangi sa lahat ng mga Sundo.

Subalit dahil sa paglabag ni Arlan sa kanyang tungkulin, papatawan siya ng isang matinding parusa—ang maging isang mortal. Sasalin siya sa katawan ni Benjie, isang kriminal na kanya ring gagampanan.

Si Marian Rivera naman ay si Sharina sa My Beloved.

Iiwan siya ng ina at mauulila sa ama sa murang edad, lalaki siya sa piling ng mga mapang-aping mga kamag-anak.

Ngunit para sa taong mahal niya, ito'y lalaban.

Kasama din nila Vice Ganda (not in the photo) at Kuya Kim (right) ang nadagdag na host sa kanilang It's Showtime! family, si Ryan Bang.

Si Ryan Bang ay ang matagal na naging hurado sa Showtime.

Ang Kapatid host na si Amy Perez ay nakadalo din sa festival.

Kasalukuyang host si Amy sa Good Morning Club at Face to Face ng TV5.

Kasama din siya sa grupo na Kumare Klub—na binubuo din nila Christine Bersola-Babao at Chiqui Roa-Puno.

Present din sa naturang festival si Gelli de Belen.

Kasalukuyang gumaganap ngayon si Gelli bilang ina ni Jasmine Curtis-Smith sa mini drama series ng TV5, ang Nandito Ako.

Makakasama din si Gelli sa bagong original game show ng TV5 na ipapalabas ngayong Marso, ang Game 'n Go.

Ang dating co-host ni Willie Revillame sa Wil Time Big Time na si Shalani Soledad-Romulo ay magkakaroon na ng panibagong programa sa TV5, ang Game 'n Go.

Makakasama dito ni Shalani ang dating Kapamilya host na si Edu Manzano.

Siya si Pretty Triszha—ang susunod diumano sa yapak ng mga gay personality sa noontime TV na sina Allan K at Vice Ganda.

Makakasama din siya bilang host sa Game 'n Go.

Si Chiqui Roa-Puno ay kasama din ni Amy Perez bilang host sa Good Morning Club ng TV5.

Kasama din siya sa grupo na Kumare Klub—na binubuo nila Christine Bersola-Babao at Amy Perez. 

Si Lucky Mercado ay kasama din sa pang-umagang show ng TV5 na Good Morning Club.

Si Lucky ay makakasama din bilang isa sa mga contender sa The Biggest Game Show In The World Asia.

Si Makata Tawanan ay nakilala sa Talentadong Pinoy ng TV5 at ngayon nga'y kasalukuyang isa sa mga hosts nang morning show na Good Morning Club.

Nakadalo din sa festival ang anak ni Lito Lapid na si Mark Lapid.

Kamakailan nga lamang ipinagdiwang nito ang unang kaarawan ng kanyang anak kay Tanya Garcia, si baby Matilda Annika o Baby Mattie.