Bibigyang buhay ni Rhian ang karakter ni Isabel.

Siya'y isang sikat na kontrabida na walang inuurungan na eksena—mapa-sampalan, tarayan, o sabunutan man ito.

Gayunman, isang araw ay magigising siya na wala na ang kanyang interes sa pagiging kontrabida.

Kaya naman hihingi siya ng tulong sa pinakasikat na kontrabida—si Bella Flores.

Ang karakter naman ni Aljur ay tatawaging Chris Bernal, isang magsasaka, at nagmamay-ari ng isang resort sa probinsya.

Bata pa sila ng kapatid na si Joyce (Bea Binene) noong pumanaw ang kanilang mga magulang, kaya ang kanilang tiyahin na si Marot (Odette Khan) ang nagpatakbo ng kanilang resort bago ito maipasa kay Chris.

Magkababata sina Isabel (Rhian) at Chris (Aljur).

Pero nasira ang kanilang pagkakaibigan dahil sa ilang pagkakamali na ginawa ni Chris kay Isabel.

Ang galit na ito ang naging susi para maging mahusay na kontrabida ang dalaga.

Binalikan niya si Chris para sirain ang buhay ng huli, at magbalik ang kanyang galing sa pag-arte.

Pero ang dapat na paghihiganti ni Isabel ay nauwi sa pag-iibigan sa pagitan nila ni Chris.

Si Bea Binene ay si Joyce, ang nakababatang kapatid ni Chris (Aljur).

Gusto niyang maranasan ang "puppy love," ngunit hindi niya magawa ito dahil sa pagtutol ng kanyang kuya.

Ang karakter naman ni Poy ang bibigyang buhay ni Jhake Vargas.

Ang mga kasamahan ni Chris (Aljur) sa Sangguniang Kabataan: (L-R) Dex (Sef Cadayona), Enzo (Enzo Pineda), Kevin (Kevin Santos), at JC (Ken Chan).

Si Jade Castro ang direktor ng pelikula.

Ang iba pang kasama sa pelikulang ito'y sina Chariz Solomon, Moymoy Palaboy, Gwen Zamora, Sabina Santiago, Tiya Pusit, Rob Sy, at mayroong special appearance sina Bella Flores at Lolit Solis.

Ipapalabas ang My Kontrabida Girl sa mga sinehan simula sa Marso 14.