Masayang nagpakuha ng litrato si Bettina Carlos habang karga ang isang taong gulang na anak na si Gummy.

Ipinanganak si Gummy noong Marso 7, 2011.

Nagdesisyon si Bettina na idaos ang birthday party ng anak ng mas maaga dahil sa araw lamang na iyon libre ang ilan nilang kamag-anak at kaibigan.

Inamin ni Bettina na summer party daw ang napili niyang tema sa pagdiriwang dahil isa ito sa kanyang mga "frustration."

Aminado si Bettina na siya'y "hands-on mom." Halos hindi nga siya humiwalay sa kanyang anak kahit pa may binabati siyang mga bisita.

Isang beses nga'y muntik nang matumba si Gummy, at mabilis naman siyang inalalayan ni Bettina.

Halata ang pagkaaliw ni Gummy sa kanyang sand castle-shaped cake, na kailangan pang hawakan ni Bettina ang kamay ng anak para hindi nito itumba ang cake.

Nakakain ang buong cake, maski ang mga dekorasyon nitong mga gummy bears at icing na ikinorteng tsinelas, shades, payong, puno, shell at star fish.

Nasa larawan (kaliwa-kanan): Carmen Soo, Gummy, at Bettina.

Isa si Carmen sa mga dumalo sa selebrasiyon ng unang kaarawan ni Gummy. "You're so cute!" ang sinabi ni Carmen habang nakikipaglaro sa anak ni Bettina.

Dumating din sa selebrasyon ang actor-host na si Ogie Diaz (kanan).

Nasa larawan (kaliwa-kanan): Mommy Irene San Juan-Pineda, Gummy, Bettina, at Lola Melba San Juan-Pineda.

Ikinuwento ni Bettina na Oktubre pa lamang daw ay nagsimula na siya sa preparasyon ng kaarawan ng kanyang anak. Siya mismo ang nagplano ng mga detalye para sa okasyon.

Naging buhay ang lugar dahil sa makukulay na palamuti na ginamit nila, tulad ng mga lobong itinali sa kisame.