Ang mga grupo ng "Bagets" at "Talent 5" ay magiging bahagi ng bagong programa ng TV5.

Isa sa mga miyembrong mula sa "Bagets" ay si AJ Muhlach (nasa larawan), na tinaguriang "The not-so-bad-boy" ng grupo. Mga dance number ang makikitang gagawin ni AJ sa bagong programa.

Si AJ ay galing sa grupong XLR8 na dating napapanood sa Party Pilipinas, ang Sunday noontime variety show ng GMA-7.

"Everybody loves Meg" ang tag sa aktres na si Meg Imperial. Ayon kay Meg, kaya daw siya binansagan ng gano'n ay dahil sa "sweet image" niya.

Galing din si Meg sa grupo ng "Bagets," at siya ang masasabing pinaka-kikay sa kanila, na halata naman sa kanyang mga isinusuot na damit sa set.

Hindi na bago si Nadine Lustre sa paglabas sa isang noontime variety show. Bago siya napunta sa TV5, kabilang na siya sa grupong Pop Girls, na napapanood noon sa Sunday variety show Party Pilipinas.

Siya ang tinawag na "hard-to-please dancer" ng grupo dahil sa kanyang mataray na personalidad. Gayunman, sinabi ni Nadine na hindi naman talaga siya mataray. Maaaring ang karakter niya sa P.S. I Love You ang basehan ng kanilang mga writers para sa gagamiting tagline sa kanya.

Ayon sa isang taga-production staff, si John Uy ang pinakakilala sa grupo ng "Talent 5," at binansagang "The Skater Boy" sa programang ito.

Bagamat hindi pinalad si John na magwagi sa talent search show Star Factor ng TV5, ang kanyang talento sa pagsasayaw at pagho-host ang ginagamit niya upang umangat ang kanyang karera sa industriya ng showbiz.

Mula sa pagsali sa talent show ng TV5 na Talentadong Pinoy, sinubukan na rin ni Joshua Davis ang mundo ng showbiz.

"The Anime & K-Pop Fan" ang tag kay Krissha Viaje.

Hindi na bago sa industriya si Krissha, dahil bago siya mapabilang sa "Talent 5" ay sumali na siya sa big division ng singing talent search Little Big Star ng ABS-CBN noong 2006.

Kaya naman kung biritan ang pag-uusapan, walang inuurungan ni Krissha, lalo pa't ang idolo niya'y ang Pop Princess na si Sarah Geronimo.

Hindi man pinalad sa manalo sa talent search show Star Factor ng Kapatid network, hindi naman nawawalan ng show si Rico Dela Paz. Bukod sa kanyang show noon na Bagets, ilang variety show na rin ng TV5 ang kanyang kinabilangan.

Bagamat tahimik sa personal, unti-unti nang nakaka-adjust si Rico sa mundo ng showbiz, at nagagawa nang makipagkulitan ng kanilang grupo sa set.

Ang itinuturing nilang "The Playful Game Enthusiast" ng programa ay ang 14-year-old na si Claire Ruiz.

Si Claire ay kabilang sa 18 star hopefuls ng talent search show na Star Factor. Hindi nagtagal sa kompetisyon si Claire, pero hindi iyon naging hadlang para patuloy siyang magpursige para sa kanyang inaasam na break sa showbiz.

"The Theater Actor" ang tawag kay Fred Lo sa programang ito. Noong nasa kolehiyo kasi siya'y miyembro siya ng theater group ng De La Salle University, at napabilang sa ilang malalaking theater shows tulad ng Noah, Rent at Magsimula Ka.

Naging daan ni Fred sa showbiz ang pinakaunang TV program na kanyang kinabilangan, ang bersyon ng TV5 sa sikat na ‘70s sitcom na Iskul Bukol noong nakaraang taon.

Ang 20-year-old na si Christian Samson ang tinaguriang "The Photographer & Videographer" ng programa.

Bilang Film student ng De La Salle University, si Christian ang tagakuha ng ilang litrato at video ng grupo na kanilang ina-upload sa fan page ng programa.

Isang pakulo raw kasi nila'y ang pag-upload ng ilang eksena sa bawat episode ng palabas, upang ipakalat ito ng mga fans sa iba't ibang social networking sites.

Kasama sa dance number na ito sina (L-R) Joshua Davis, BJ Forbes, AJ Muhlach, John Uy, Christian Samson, at Rico Dela Paz (hindi kita sa larawan).

Sinayaw ng grupo ang kantang "Sexy and I Know It" ng LMFAO, habang pinapanood sila ng ilang tao na nasa resort.