Ang mag-asawang sina Rose at Pol Polotan ang gagampanan nina Eugene Domingo (kaliwa) at Ogie Alcasid (kanan). Tatlo ang kanilang mga anak na sina Rock (Sam Concepcion), Jazzy (Kiray Celis), at Rap Rap (Gerard Pesigan).

Si Rose ang nagsusustento sa kanyang pamilya sa pamamagitan ng kanyang maliit na catering business. Habang si Pol naman ay isang "one-hit wonder" na composer, na nagtuturo ng musika sa mga bata.

Si Zsa Zsa Padilla ang gaganap na Elaine Fuentabella, ang asawa ni Nick (Gary Valenciano). Ayon sa paglalarawan ni Zsa Zsa sa kanyang karakter, "I'm the mother of Tippy [dos Santos]. I got trapped not in a loveless marriage, but in a marriage that I'm very unhappy with because my husband has no time for me, he's always buried in work."

Kung ikukumpara raw ang tunay na buhay niya sa buhay ng kanyang karakter sa pelikula, masaya si Zsa Zsa na maayos na lumaki ang kanyang mga anak na sina Karylle, Nicole, at Zia.

Si Nick Fuentabella (Gary Valenciano) ang siyang asawa ni Elaine (Zsa Zsa Padilla). Isa siyang konserbatibong businessman, na ikinalungkot ang nangyari sa kanyang anak na si Tracy (Tippy dos Santos).

Ito ang debut film ng batang aktres na si Tippy dos Santos, na gaganap bilang Tracy Fuentabella. Panganay na anak siya nina Nick at Elaine Fuentabella, at kapatid nina Austin (Ishmael Alshdefat) at Blake (John Mark Ibanez).

Kasintahan niya si Rock (Sam Concepcion), na tulad niya'y katatapos lamang mag-aral ng kursong Nursing. Bagamat may kaya sa buhay, mapagkumbaba at palakaibigan si Tracy.

Bukod sa magandang proyektong ito, ikinatutuwa rin ni Tippy na kamakailan lang siya'y nagtapos sa high school na salutatorian sa Ridley International School.

Ang makukulit na cast ng pelikula (L-R): Kiray Celis, Gerard Pesigan, Ishmael Alshdefat, at John Mark Ibañez.

Ang mga nakababatang kapatid ni Rock (Sam Concepcion), at dalawa pang anak nina Rose (Eugene Domingo) at Pol Polotan (Ogie Alcasid) ay sina Jazzy (Kiray Celis, far right) at Rap Rap (Gerard Pesigan, second from the right). Tulad ng kanilang ama'y mahilig sila sa musika, lalung-lalo na si Rap Rap.

Sina Austin (Ishmael Alshdefat, second from the left) at Blake (John Mark Ibañez, far left) naman ang dalawa pang anak nina Elaine (Zsa Zsa Padilla) at Nick Fuentabella (Gary Valenciano), at mga nakababatang kapatid ni Tracy (Tippy dos Santos). Tulad ni Tracy at inang si Elaine, sabik sina Austin at Blake sa atensyon ng kanilang ama na subsob sa trabaho.

Ang kuwelang mga kaibigan ni Rose Polotan na sina Lilibeth (Frenchie Dy, right) at Vicky (Sweet Plantado, left), ang kanyang karamay sa mga pinagdadaanang problema nito. Sila rin ang katuwang niya sa kanyang pinapatakbong catering business.

In character man o hindi, natural na para kina Frenchie at Sweet ang pagiging makulit, na kapansin-pansin sa kanilang pakikipagbiruan sa ilang staff at cast ng pelikula.

Rakista man ang dating, isang mabuting kaibigan naman si Brent, ang karakter ni Neil Coleta. Siya ang matalik na kaibigan ni Rock (Sam Concepcion) sa kanyang pamamalagi sa Maynila habang nag-aaral sa kolehiyo.

Nakabibigla raw para kay Niel na mga bigatin at beteranong artista ang kanyang katrabaho. Naging matindi rin ang preparasyon niya para sa mga awiting dapat niyang kantahin para sa pelikula.

Ito ang ilang eksenang kinunan nang araw na dumalaw kami sa kanilang set.

TOP: (In random order) Naghahanda sina Ogie Alcasid, Gary Valenciano, Niel Coleta, Zsa Zsa Padilla, at Eugene Domingo para sa eksenang magaganap sa bahay ng mga Fuentabella. Kinailangan nilang baguhin ang ilang eksenang kukunan sana ng araw na iyon dahil sa masamang panahon.

Kanya-kanya nang pinakakaabalahan ang mga cast habang nagse-set up para sa susunod nilang mga eksena.

TOP: Nakikipagkwentuhan sina Sweet Plantado (far right) at Frenchie Dy (second to the right) sa ilang mga staff. Habang ang mga bata naman na sina (from second to the left) John Mark Ibanez, Gerard Pesigan, at Ishmael Alshdefat ay tinitignan ang mga still shots na inihanda para sa mga susunod na eksena.

MIDDLE: Pagkukuwentuhan naman ang pampalipas-oras nina Gary Valenciano (right) at Ogie Alcasid (middle), habang si Eugene Domingo (left) naman ay abala sa pagba-browse gamit ang kanyang gadet.