Marami nang iniho-host na game show ng TV5 si Joey de Leon, tulad na lamang ng Big Shot Jackpot (2011), Celebrity Samurai (2011), The Biggest Game Show (2012).

Ngayon, muli itong madadagdagan sa pag-host niya ng pinakabagong game, variety at comedy sketch show ng Kapatid network, ang Game 'N Go.

Hindi na bago sa hosting ng game shows si Edu Manzano.

Bilang isa sa mga mahuhusay na host sa industriya, ang pinakamahalagang bagay daw sa pagho-host ay isa-isip mo ang "entertainment" ng mga manonood.

Muli nang mapapanood na mag-host si Shalani Soledad-Romulo, matapos niyang mawala sa daily primetime variety show na Will Time Big Time.

Bagamat hindi pa lumalabas ang kanilang programa, may bansag na sa kanya si Joey de Leon (wala sa larawan), "Ms. Energy." Ang natatawang komento naman ni Shalani dito, "Makikita ninyo naman talaga kung gaano kataas ang energy level ko, di ba?"

Hindi maipagkakaila na multi-talented si Gelli de Belen. Bukod sa pagiging mahusay na aktres mapa-comedy, drama, at aksyon, kaya din makipagsabayan ni Gelli sa pagho-host. Ilan sa mga na-host na niyang programa ay SiS (2001), Nuts Entertainment (2003), at Gellicious (2011).

Katulad ni Edu Manzano, isa si Arnel Ignacio sa mga tanyag na game at talent show hosts. Ilan sa mga game shows na kanyang na-host ay Go Bingo (1996), Stars On Ice (2007), at All Star K!: The One Million Peso Videoke Challenge (2002).

Abangan sina Joey de Leon (wala sa larawan), (L-R) Edu Manzano, Arnel Ignacio, Gelli de Belen, at Shalani Soledad-Romulo sa pinakabagong game show ng TV5 na Game 'N Go, na magsisismula si June 17, Linggo, 12:30 ng tanghali.