Kinanta at sinayaw ni Vice Ganda ang "Unstoppable."

Ayon kay Andi, sa pagkakaalam niya ay isa syang sirena na nabuhay dito sa lupa. Ang tawag daw sa kanya ay Merm-andi.

Magaling raw lumangoy si Andi Eigenmann at nakakatagal siya sa ilalim ng tubig nang hindi humihinga. Ito raw marahil ang dahilan kung bakit nakuha niya ang title role sa Agua Bendita. 

Isa raw ang pagkanta ang talento ng mga Eigenmann kaya pinakanta ni Vice si Andi ng "Someone Like You."

Nagpakita ng iba't ibang larawan ni Mon Tulfo sa big screen ng studio. Seryoso daw talaga ito sabi ni Vice maging sa mga larawan kaya di niya raw akalain na makikipag biruan si Mon sa kanya. 

Sunod na ipinakita ang larawan ni Rosanna Roces na sinasabing isa sa mga niligawan ni Mon Tulfo. Hindi naman direktang inamin ni Mon kung nagkaroon sila ng relasyon ni Osang.

Kilala daw si Mon sa nagtatanggol sa mga mahihina kung kaya kumuha si Vice ng isang lalaki na magpapanggap na cellphone snatcher. Matapos ang eksena ay pabirong bine video ni Vice si Mon Tulfo. Natawa lang ang broadcast journalist.

Nang tanungin si Mon Tulfo kung ilan sa mga anak niya ay babae, sabi nito: "Lima o anim yata." Kasama niya sa photo ang isa sa kanyang mga anak na babae.

Maikling shorts ang sinuot ni Vice Ganda sa kanyang opening number. Pagkatapos ng kanyang performance ay humingi ng pasensya ang TV host kay Ms. Charo Santos-Concio. Noong nagsuot raw si Vice ng shorts sa birthday production number niya sa Showtime, sinabi daw kasi ng ABS-CBN President na dapat huling bese na iyon na magsusuot siya ng ganung kaikling shorts.

Ang laman pala ng sulat ay pagbati mula kay Ms. Charo Santos-Concio para sa unang anibersaryo ng late-night TV show na Gandang Gabi Vice.