Akala mo sina Edu at Joey?

Mga impersonators po sila na gsilbi ring "Game Masters" sa opening number ng show.

Nang umentra sa stage sina Edu (pangalawa mula sa kanan) at Joey (pangalawa mula sa kaliwa) ay nakita ang kaibahan ng dalawa sa orihinal.

Unang nagtanong si Joey, "Kung ikaw talaga si Joey de Leon, ilan ang naging girlfriend ni Vic Sotto?"

Nang sumagot ang kanyang impersonator ng "marami," sinabi ni Joey na mali raw ito dahil ang tamang sagot ay "maraming-marami!"

Sumakto ang pilot episode sa Father's Day.

Kaya naman, niregaluhan ni Edu (kanan) si Joey (kaliwa) ng sleeping pills para makatulog naman daw ito.

Ang naging regalo naman ni Joey kay Edu ay isang kuwento.

Noong co-host raw ng komedyante si Vilma Santos ay nakita raw niyang umiyak ang aktres.

Ang dahilan: si Edu.

Kinuha raw kasi ng huli ang kanilang anak na Luis Manzano nang hindi nagsasabi kay Vilma.

Sunod namang ipinakilala nina Joey at Edu ang mga "Game Keepers" ng programa na sina (L-R) Gelli de Belen, Arnel Ignacio, at Shalani Soledad.

Hindi magkamayaw ang mga tagahanga ni Shalani nang makita nila itong umakyat sa stage.

(Above) Habang nag-i-spiel ang tatlong game keepers, pumuwesto sina Joey (right) at Edu (left) sa set ng una nilang palaro na "Yugyog Tube."

(Below) Habang commercial gap naman ay pinapuwesto kasama ng mga audience ang isa pang game keeper na si Daniel Matsunaga.

(Above) Nakikulit kasama ng mga kalahok ang bagong lipat Kapatid star na si Daniel (naka-brown sweatshirt).

Habang nagbabasa ng isang maikling kuwento si Joey (not in photo) ay arte ang mga kalahok, kasama si Daniel, sa loob ng isang animo'y malaking telebisyon, na niyuyugyog ng ilang kalalakihan.

(Below) Nakikulit din si Arnel (second from right) kasama ng pangalawang kalahok na grupo.

Ang batikang game show host na si Edu ang game master para sa nakakakabang laro na "True or Fall."

Ang mga kalahok sa elimination round ay mamimili ng bilog na katatayuan, at saka sasabihin ni Edu ang tanong.

Kapag mali ang kanilang sagot ay bubukas ang bilog na kinatatayuan nila at sila'y mahuhulog.

Limang kalahok ang makakapasok sa jackpot round, at kung sino ang matira at pinakamagaling sa pagsagot sa mga trivia questions ang magwawagi.

Kuha ito habang nakikinig ang dalawang host ng programa na sina Shalani (kanan) at Edu (kaliwa) sa instruction para sa susunod na segment ng show.

Dalawa sa mga guest celebrities ng araw na iyon ay sina Marvin Agustin (right side, middle) at si Cesar Montano (left side, right).

Sina Marvin at Cesar ang magiging host ng upcoming talent search show ng TV5 na Artista Academy.

Sinamahan ng Century Tuna Superbods 2012 female winner na si Monika (kanan), ang game master na si Joey (kaliwa) sa palarong "Pritong Pares."

Ang kanilang mga kalahok para sa larong ito'y mag-ama, na kailangan sagutin ang trivia questions ni Joey.

Kapag mali ang kanilang sagot ay "kukuryentihin" sila.

Ang unang makakuha ng tatlong tamang sagot ang tatanghaling panalo.

Naimbitahan din sa pilot episode ng naturang game show ang 25 na kandidata para sa nalalapit na Miss World-Philippines 2012 beauty pageant, kasama si Cory Quirino (first row, fourth from left), na kinapanayam nina Joey (first row, fifth from left) at Edu (first row, third from right).

Ang Miss World-Philippines 2012 coronation night ay magaganap sa Hunyo 24, sa Manila Hotel Tent, na mapapanood sa TV5, ganap na 8:30 ng gabi.

Ang mga game keepers na sina Arnel (left) at Gelli (right) naman ang mamumuno sa palarong "Face It!"

Ilan sa mga naunang makasubok sa makulit na larong ito'y sina (counter clockwise) Patani, Makata, Keanna Reeves, Dinky Doo, April at Sam YG.

Panay naman ang ngiti nina Joey (kaliwa) at Shalani (kanan) sa mga audience habang naghihintay ng cue para sa susunod na segment, ang "Singgaling Go!"

(Above) Kailangan ng mga kalahok na magpataasan ng boses habang inaawit ang iisang piyesa ng kanta.

Kung sino ang makakaabot ng pinakamataas na nota nang maganda ang boses ang papasok sa jackpot round.

Sa "Na-Dolly Mo," nakalaro ng ilang studio contestants ang mismong hosts.

Ang rule ng game: kailangang gayahin ng mag-partner ang magiging posisyon ng mga manika matapos silang ihagis sa sahig.

Makikita na sina Arnel (gitna), Gelli (taas), at Monika (baba) ay Game N Go na nakisaya at nakisali sa bagong pakulo na ito ng kanilang programa.