Kitang-kita sa mukha ni Isabel Oli ang kalungkutan sa pagkawala ng kanyang ama, na ilang taon din niyang inaruga dahil sa sakit nitong cerebral degeneration.

Pansamantalang huminto si Isabel sa pagtatrabaho nitong nakalipas na linggo upang personal na asikasuhin ang burol at cremation ng mga labi ng kanyang ama.

Nakaka-relate si Iza sa kalagayan ni Isabel dahil pumanaw ang ama ng una noong November 2011 dahil sa liver cancer.

Dumalaw noong huling gabi ng lamay ang co-star ni Isabel sa Faithfully na si Marc Abaya.

Si Marc ang anak ng premyadong direktor na si Marilou Diaz-Abaya, na kasalukuyan ding nakikipaglaban sa sakit na breast cancer. (CLICK HERE to read related story.)

Bukod sa pagiging Kapuso stars, isang pagkakapareho pa nina Rachelle Ann at Isabel ay pareho silang naging nobya ng Kapamilya talent na si Gab Valenciano.

Ang pagdalaw ni Rachelle Ann sa lamay ng ama ni Isabel ay patunay na wala silang isyu sa isa't isa dahil kay Gab.

Bagamat mabigat pa rin sa loob ni Isabel ang mga nangyari nitong nakalipas na linggo, pilit naman niyang ikinuwento sa Showbiz Central ang masasayang alaala niya tungkol sa kanyang ama.

Nakatakdang pumunta ng Zambales ang pamilya ni Isabel ngayong araw, Hunyo 23, upang isaboy sa South China Sea ang mga abo ng kanyang ama. Ito raw ay kahilingan ng yumaong Jorge Tan So.

Laking pasasalamat naman ni Isabel sa suporta ng GMA-7 sa kanya. Ilang showbiz commitments ang naapektuhan dahil sa pangyayari.

Ang kuwento ni Isabel, "Yung unang una natamaan ay yung Faithfully, yun ang unang  natamaan kasi nga taping nung medyo critical yung Daddy ko.

"Yung Sports Pilipinas ko, day-off, saka yung Party Pilipinas...

"So, wala muna lahat yun, pero naintindahan naman ng GMA ang lahat ng yun."