Ang mga existing at upcoming loveteams ang bida sa station ID ngayong taon ng Kapamilya network.

Una na dyan, siyempre, ang subok ng tambalan nina John Lloyd Cruz (left) at Bea Alonzo (right). Muling magkakasama ang dalawa sa isang teleserye, ang A Beautiful Affair.

Hindi maipagkakaila na matindi ang pagtanggap ng mga tao sa tambalan nina Bea at John Lloyd, na napatunayan na sa kanilang mga pelikula tulad ng Close To You (2006), All About Love (2006), One More Chance (2007), at Miss You Like Crazy (2010).

Kaya naman siguradong kikiligin ang mga tagahanga ng Bea-John Lloyd loveteam sa Tango dance number nila.

Muli namang mapapanood ang tambalang Xian Lim (standing) at Kim Chiu (sitting), matapos ng kanilang pagtatambal sa primetime show na My Binondo Girl (2011).

Ngunit sa pagkakataong ito, hindi sa telebisyon kundi sa pinilakang tabing magdadala ng kilig ang dalawa.

Isang experimental loveteam naman ang pagtatambal nina Maja Salvador (left) at Enchong Dee (right), sa isang upcoming movie ng Star Cinema.

Sinabi ni Enchong tungkol sa bagong ka-loveteam: "First team-up, first time na I won't be with Erich. So, it's a challenge again, because it's another chapter of your career, of whatever work you have."

(L-R) Xian Lim, Kim Chiu, Enchong Dee at Maja Salvador.

Ang pagbabalik tambalan nina Xian at Kim at ang experimental loveteam nina Enchong at Maja ay magkakasama sa pelikulang The Reunion, na nakatakdang ipalabas ngayong Agosto.

Tila walang hidwaan sa pagitan ng mga karakter ng teleseryeng Walang Hanggan sa eksenang ito.

Masayang naglalaro sa ulan sina (L-R) Melissa Ricks, Julia Montes, Paulo Avelino, at Joem Bascon.

Hindi naman napigilan na magkatuwaan at magtawanan ng mga young stars na sina (L-R) Khalil Ramos, Daniel Padilla, Kathryn Bernardo at Enrique Gil habang bumubuhos ang ulan.

Sila ang mga batang nagpapakilig sa Kapamilya Primetime Bida Block show na Princess and I.

Isang maramdaming eksena naman ang nagaganap sa pagitan nina Jake Cuenca (left) at Iza Calzado (right) sa ilalim ng ulan.

Isa lamang ang tambalan nila sa mga nagpapaluha sa mga tao tuwing gabi sa palabas na Kahit Puso'y Masugatan.

Makikita ang matinding emosyon ni Andi Eigenmann (nasa larawan), habang kinukunan ang eksenang ito para sa station ID ng ABS-CBN.

Ang kanyang karakter sa Kahit Puso'y Masugatan ang isa sa mga third wheel sa pag-iibigan ng mga tauhang ginagampanan nina Jake Cuenca at Iza Calzado.

Katulad ni Andi Eignemann, wala ring kapareha sa station ID ang TV host-actress na si KC Concepcion (nasa larawan).

Ang "unlikely loveteam" nina Carmina Villarroel (left) at Zaijian Jaranilla (right) naman ay makikitang masayang naglalaro ng bangkang papel sa gilid ng kalsada.

Mapapanood ang nakakaaliw na panunuyo ni Zaijian kay Carmina sa Lorenzo's Time, kung saan magkasing-edad lamang sila, ngunit bata tingnan si Zaijian dahil sa eksperimentong ginawa sa kanya.

Ang dance number naman nina Dominic Roque, Ella Cruz, at Paul Salas ay tila hango sa Hollywood dance film na Step Up 2 (2008).

Magkaka-love triangle ang mga karakter nina Dominic, Ella, at Paul sa primetime fantaserye Aryana.

Muli namang magpapakilig si Richard "Papa Chen" Yap (right), at makakasama niya sa pagpapakilig si Jodi Sta. Maria sa daytime series na Be Careful With My Heart.

Unang napanood si Papa Chen sa primetime drama series na Budoy (2011), na pinagbidahan ni Gerald Anderson (wala sa larawan).

Masaya namang sinalubong ang pagbuhos ng ulan ng Angelito Ang Bagong Yugto stars na sina (bottom, L-R) Charee Pineda, JM de Guzman, (top, L-R) John Prats at Kaye Abad.

Ang kanilang afternoon drama series ay karugtong nang nauna nilang show na Angelito Ang Batang Ama (2011), ngunit hindi pa kabilang noon sa cast si John.

Nakangiting nagyayakapan sa ulan sina Denise Laurel (left) at Martin del Rosario, na magkasama sa show na Precious Hearts Romances Presents Pintada.

Isang kakaibang love story ang kanilang ipapakita, kung saan ang estudyante (Martin) ay iibig sa kanyang guro (Denise).

Hindi pa man ipinalalabas ang kanilang bagong teleserye, makikita na ang matinding emosyon at kilig na dala nina (L-R) Matteo Guidicelli at Jessy Mendiola, Jewel Mische at Matt Evans.

Unang beses na magkatambal ng apat, at mapapanood sila sa upcoming show na Precious Hearts Romances Presents Isla.