Hiyawan ang mga tao nang lumabas si Sarah Geronimo at kinanta ang "Sweet Dreams" ni Beyonce. Suot niya ang isang cloak na puno ng Swarovski at gawa ng designer na si Furne One. 

Click here (to read related article) http://www.pep.ph/celeb/celeb/27550/sarah-geronimo-wears-costumes-worth-six-million-pesos-for-24sg-concert

Ang kantang "Where Have You Been" ni Rihanna ay may lyrics na "looking for you, Babe, searching for you, Babe," at tuwing mababanggit ang "babe" ay hiyawan ang mga fans ni Sarah. Ito kasi ang nasabing tawagan nila ng nauugnay sa kanyang si Gerald Anderson.

"Twenty-four na 'ko, pwede na!" sabi ni Sarah sa audience, matapos ang unang set ng song and dance number nito. Kinikilig na siyempre ang fans, dahil ang pakahulugan nito ay maaaring 24 na siya, kaya puwede nang mag-boyfriend. Ngunit bawi ni Sarah: "Twenty-four na 'ko, puwede na 'ko mag-25, tapos 26!"

"Akala ko di na 'ko aabutin ng 24th birthday ko. Buwis-buhay yung number na 'yon," ad-lib ni Sarah, matapos muntik malaglag sa hagdan habang kinakanta ang "I Am Telling You."

May isa pa kasing baitang ang hagdan bago makatapak sa stage, ngunit nag-misstep si Sarap. Inakala nitong nasa stage floor na siya. Pero makikitang maliksi at fit na fit si Sarah. Agad diniretso ang katawan, sabay ad-lib, na ikinatuwa na naman ng fans.

At siyempre, hindi nagpatalo si Daddy Delfin, ang ama ni Sarah. Nakipagsabayan ito sa anak, na kumanta ng "I Will Be Here" ni Gary Valenciano.

Hirit ni Sarah tungkol naman sa ina, "Sana sa susunod pagbigyan naman tayo ni Mommy Divine. Ang favorite kasi ni Mommy, yung 'Let it Be' and 'Top of The World.'" 

Matatawag na bomba ang sinabing ito ni Sarah: "Ang hiling ko po para sa birthday ko ay konting freedom po, para makapagdesisyon ng gusto ko para sa career ko, para sa magiging future ko." 

Naghiyawan ang fans. Pabiro nitong idinugtong, "Yung gusto ko, ha? Hindi yung gusto niyo para sa akin." Sabay tawa nang malakas.

Alam sa showbiz na mahigpit ang magulang ni Sarah. Twenty-four na ito, pero wala pang layang mag-boyfriend, ayon sa alituntunin ng kanyang mga magulang. 

Nagpasalamat rin si Sarah sa lahat ng kaniyang sponsors at endorsements, na tumulong maabot ang kaniyang narating ngayon.

Pinasalamatan rin niya ang Philippine Entertainment Portal (PEP.Ph), bilang online media partner ng kaniyang two-part concert na 24/SG.