Sino kaya ang ka-text ni Saranggani Representative Manny Pacquiao habang papalakad ito sa kanyang upuan?

Hindi kasama ng Pambansang Kamao ang kanyang asawang si Jinkee sa SONA ngayong taon.

Pansamantalang natigil ang pagpasok ni dating Pangulo Joseph Estrada sa loob ng plenary hall nang paunlakan nito ang hiling ng mga male at female honor guards na magpakuha ng litrato kasama siya.

Sa kanyang mga interbyu sa media, sinabi nito na tuloy na tuloy ang plano niyang tumakbo bilang mayor ng Maynila sa darating na 2013 local elections. Makakatapat niya rito si current Manila Mayor Alfredo Lim.

Halos puno na ang plenaryo nang dumating si Senador Chiz Escudero.

Nanggaling pa siya sa live airing ng programang Kris TV sa ABS-CBN, kung saan co-host siya ni Kris Aquino sa buong buwan ng Hulyo.

Maaga pa lang ay nasa kongreso na ang dating aktor at ngayon ay Laguna Congressman Dan Fernandez.

Kasama niyang dumalo ang kanyang misis at dati ring aktres na si Sheila Ysrael.

Naroon din ang mga dating senador na sina Heherson Alvarez (left) at Nikki Coseteng.

Si Alvarez ay commissioner na ngayon sa Climate Change Commission, samantalang si Coseteng ay abala bilang pinuno ng Diliman Educational Corporation.

Dumating din si dating Senate President Ernesto Maceda, Jr. na sinasabing tanging politikong nagkaroon ng limang cabinet positions.

Siya ay naging Secretary of Community Development noong 1966, Executive Secretary at Chairman of the Commission on Reorganization noong 1969, Head of Commerce and Industry noong 1970, Head of the Ministry of Natural Resources noong 1987, at Philippine Ambassador to the United States noong 1999.

Isa si Manila 4th District Representative Trisha Bonoan-David sa mga babaeng nakasuot ng one-shoulder terno kahapon.

Kamakailan ay naging matunog ang pangalan ng kongresista dahil sa panukala nitong dagdagan ng US$50 ang kontribusyon ng mga OFW para sa Overseas Workers Welfare Administration emergency fund. Subalit agad niya itong binawi nang makatanggap ng negatibong reaksiyon mula sa publiko.

(CLICK HERE to view part 2)